അഭ്യസ്തവിദ്യരായ ഉദ്യോഗാര്‍ത്ഥികള്‍ക്ക് തൊഴില്‍ ലഭ്യമാക്കുന്നതിനായി കേരള നോളജ് ഇക്കോണമി മിഷന്‍ നടപ്പാക്കുന്ന ‘എന്റെ തൊഴില്‍ എന്റെ അഭിമാനം 2.0’ പദ്ധതിയുടെ ഭാഗമായി ഇന്ന് (മാര്‍ച്ച് 14) വടവന്നൂര്‍ ഗ്രാമപഞ്ചായത്ത് ഹാളില്‍ തൊഴില്‍മേള സംഘടിപ്പിക്കുന്നു.
രാവിലെ 9.30 മുതല്‍ ഉച്ചയ്ക്ക് 1.30 വരെയാണ് തൊഴില്‍മേള.
ജില്ലാ കുടുംബശ്രീ മിഷന്‍, കോണ്‍ഫിഡറേഷന്‍ ഓഫ് ഇന്ത്യന്‍ ഇന്‍ഡസ്ട്രീസ്, വടവന്നൂര്‍ ഗ്രാമ പഞ്ചായത്ത്, കുടുംബശ്രീ സി.ഡി.എസ് എന്നിവയുടെ സഹകരണത്തോടെ സംഘടിപ്പിക്കുന്ന തൊഴില്‍മേളയില്‍ പ്രാദേശിക കമ്പനികള്‍ ഉള്‍പ്പെടെ സംസ്ഥാനത്തിനകത്തും പുറത്തുമുള്ള പ്രമുഖ കമ്പനികള്‍ ആയിരത്തിലധികം ഒഴിവുകളിലേക്ക് റിക്രൂട്ട്‌മെന്റ് നടത്തും.
എസ്.എസ്.എല്‍.സി/പ്ലസ് ടു/ഡിപ്ലോമ/ഐ.ടി.ഐ/ഡിഗ്രി എന്നിവയാണ് അടിസ്ഥാന യോഗ്യത.
പങ്കെടുക്കാന്‍ താത്പര്യമുള്ളവര്‍ https://knowledgemission.kerala.gov.in പോര്‍ട്ടലില്‍ രജിസ്റ്റര്‍ ചെയ്യണം.
പങ്കെടുക്കുന്നവര്‍ ബയോഡാറ്റ/ സി.വി/ റെസ്യൂമെ എന്നിവയുടെ അഞ്ച് പകര്‍പ്പ് കൊണ്ടുവരണം.
ഉച്ചയ്ക്ക് 12.30 വരെ സ്‌പോട്ട് രജിസ്‌ട്രേഷന്‍ സൗകര്യവും ഉണ്ടായിരിക്കും.
ഫോണ്‍: 7306816188