ഭാര്യയെയും പ്രായപൂർത്തിയാകാത്ത 2 പെണ്‍മക്കളെയും വീട്ടിനുള്ളിൽ പൂട്ടിയിട്ട് തീകൊളുത്തി കൊന്നു
മഹാരാഷ്ട്ര പിംപല്‍ഗാവ് ലാൻഡ്ഗ ഗ്രാമത്തില്‍ തിങ്കളാഴ്ച രാവിലെയാണ് സംഭവം.
സുനില്‍ ലാൻഡെയാണ് ഭാര്യ ലളിത (35), മക്കളായ സാക്ഷി (14), ഖുഷി (1) എന്നിവരെ ചുട്ടുകൊന്നത്.
രാവിലെ 10.30 ഓടെ ഭാര്യയെയും പെണ്‍മക്കളെയും വീട്ടില്‍ പൂട്ടിയിട്ടശേഷം സുനില്‍ ജനലിലൂടെ പെട്രോളൊഴിച്ചു തീകൊളുത്തുകയായിരുന്നു.
മൂവരും വെന്തുമരിച്ചു.
45 കാരനെ പൊലീസ് അറസ്റ്റ് ചെയ്തിട്ടുണ്ട്.
പ്രതിക്ക് ഭാര്യയില്‍ സംശയമുണ്ടെന്നും പതിവായി അക്രമിക്കാറുണ്ടെന്നും ഗ്രാമവാസികൾ പറഞ്ഞു.
അകത്ത് കുടുങ്ങിയ സ്ത്രീയുടെയും കുട്ടികളുടെയും നിലവിളി കേട്ട് അയല്‍വാസികള്‍ എത്തിയപ്പോഴേക്കും വീട് പൂർണമായും കത്തിനശിച്ചിരുന്നു.
സുനില്‍ രക്ഷപ്പെടാൻ ശ്രമിക്കാതെ പൊലീസ് എത്തുന്നതുവരെ സ്ഥലത്ത് തന്നെ നിന്നു.
സുനിലിന് മൂന്ന് കുട്ടികളുണ്ട് – രണ്ട് പെണ്‍മക്കളും ഒരു മകനും.
മകൻ 100 മീറ്റർ അകലെ ജ്യേഷ്ഠനും അമ്മയ്ക്കും ഒപ്പമാണ് താമസിക്കുന്നത്.