മാസപ്പടി കേസ്: ഇ ഡി സമന്സ് ചോദ്യം ചെയ്തുള്ള സി എം ആര് എല് ഹര്ജി ഇന്ന് പരിഗണിക്കും.
ഇ ഡിയുടെ രണ്ടാം സമന്സ് ചോദ്യം ചെയ്ത് എം ഡി ശശിധരന് കര്ത്തയും 24 മണിക്കൂറിലധികം തടഞ്ഞുവെച്ചത് നിയമ വിരുദ്ധമാണെന്ന് കാട്ടി മൂന്ന് ഉദ്യോഗസ്ഥരും നല്കിയ ഹര്ജിയാണ് ഹൈക്കോടതിയുടെ പരിഗണനയിലുള്ളത്.
ഹര്ജിയില് എന്ഫോഴ്സ്മെന്റ് ഡയറക്ടറേറ്റ് ഇന്ന് വിശദീകരണം നല്കിയേക്കും.
നടപടിക്രമങ്ങള് നിയമപരമെന്നായിരുന്നു ഇ ഡിയുടെ അഭിഭാഷകന് ചൊവ്വാഴ്ച നല്കിയ മറുപടി.
ഗുരുതര ആരോഗ്യ പ്രശ്നങ്ങളുണ്ടെന്നും നേരിട്ട് ഹാജരാകാനാകില്ലെന്നുമാണ് സി എം ആര് എല് എംഡി ശശിധരന് കര്ത്ത നല്കിയ ഉപ ഹര്ജിയിലെ വാദം.
എന്നാല് ഇ ഡി കഴിഞ്ഞദിവസം ശശിധരന് കര്ത്തയെ വീട്ടിലെത്തി ചോദ്യം ചെയ്തിരുന്നു.
ഉദ്യോഗസ്ഥരെ ചോദ്യം ചെയ്തതില് ഉള്പ്പടെയുള്ള പുരോഗതിയും ഇ ഡി ഹൈക്കോടതിയെ അറിയിക്കും.
ജസ്റ്റിസ് ശോഭ അന്നമ്മ ഈപ്പന് അധ്യക്ഷയായ അവധിക്കാല സിംഗിള് ബെഞ്ചാണ് സി എം ആര് എലിന്റെ ഹര്ജി പരിഗണിക്കുന്നത്.