ചക്രവാതചുഴി രൂപപ്പെട്ടത് കൊണ്ട് കേരളത്തില്‍ അടുത്ത 5 ദിവസം മഴക്ക് സാധ്യത.
തെക്കൻ കേരളത്തിന് മുകളില്‍ ചക്രവാതചുഴി നിലനില്‍ക്കുന്നത് കൊണ്ടാണ് ഇത്തരമൊരു സാഹചര്യം ഉടലെടുത്തത്.
കേന്ദ്ര കാലാവസ്ഥ വകുപ്പിന്‍റെ അറിയിപ്പ് പ്രകാരം, ശക്തമായ കാറ്റോടെ ഇടത്തരം മഴയ്ക്കും ഇടി മിന്നലിനും സാധ്യത ഉണ്ട്.
ഒറ്റപ്പെട്ടസ്ഥലങ്ങളിൽ മെയ്‌ 25 മുതൽ 27 വരെ ശക്തമായ മഴക്ക് സാധ്യതയുണ്ട് എന്നും അറിയിച്ചു.
അതേസമയം, മധ്യകിഴക്കൻ ബംഗാൾ ഉൾക്കടലിലെ തീവ്ര ന്യൂന മർദ്ദം അതിതീവ്ര ന്യൂനമർദ്ദമായി ശക്തി പ്രാപിച്ചു.
അടുത്ത 12 മണിക്കൂറിനുള്ളിൽ വീണ്ടും ശക്തി പ്രാപിച്ച് ചുഴലിക്കാറ്റായി മാറാൻ സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
ഇപ്പോഴും കേരളത്തിൽ കനത്ത മഴയാണ് രേഖപ്പെടുത്തിക്കൊണ്ടിരിക്കുന്നത്. പല ജില്ലകളിലും യെല്ലോ അലര്‍ട്ട് മുന്നറിയിപ്പും നിലനിൽക്കുന്നുണ്ട്.