കളിക്കുന്നതിനിടെ കെഎസ്ഇബി ടവർ ലൈനിൽ നിന്ന് 12 വയസുകാരന് ഷോക്കേറ്റു.
തുടർന്ന് ചികിത്സയിലായിരുന്ന കോഴിക്കോട് കുറ്റിക്കാട്ടൂർ സ്വദേശി മാലിക്ക് മരിച്ചു.
കോഴിക്കോട് മെഡിക്കൽ കോളേജ് ആശുപത്രിയിൽ 6 ദിവസമായി ചികിത്സയിലിരിക്കെയാണ് മരണം സംഭവിച്ചത്.
മേയ് 24 നാണ് അപകടം.
വീടിൻ്റെ ടെറസിൽ കളിക്കുന്നതിനിടെ കയ്യിലുണ്ടായിരുന്ന വയർ മുകളിൽ കൂടി കടന്ന് പോകുന്ന 110 കെവി ലൈനിൽ തട്ടിയാണ് കുട്ടിയ്ക്ക് ഷോക്കേറ്റത്.
തുടർന്ന് ആശുപത്രിയിലെത്തിക്കുകയായിരുന്നു.
ഒരാഴ്ച്ചയോളമായി കുട്ടി ചികിത്സയിൽ തുടരുകയായിരുന്നു. ഇതിനിടയിലാണ് കുട്ടി മരണപ്പെട്ടത്.