കോഴിക്കോട് കടപ്പുറത്ത് ഇടിമിന്നലേറ്റ് ഇടിമിന്നലേറ്റ് മീൻപിടിത്ത തൊഴിലാളികളായ എട്ടു പേർക്ക് പരുക്ക്.
സൗത്ത് ബീച്ചിലാണ് സംഭവം.
സൗത്ത് ബീച്ച് സ്വദേശികളായ ചക്കുംകടവിൽ അഷ്റഫ് (49), തലനാർ തൊടുക സലീം (45), മകൻ മുഹമ്മദ് ഹനീൻ (17), മുനാഫ് (47), എൻ.പി.സുബൈർ (48), അബ്ദുല്ലത്തീഫ് എന്ന ബിച്ചു (51), നാലകംപറമ്പ് ജംഷീർ (34), പുതിയങ്ങാടി കോയാ റോഡ് ഹാജിയാരകത്ത് ശരീഫ് (37) എന്നിവർക്കാണ് പരിക്ക്.
അവരെ ബീച്ച് ആശുപത്രിയിൽ പ്രവേശിപ്പിച്ചിട്ടുണ്ട്.
തലയ്ക്ക് പരിക്കേറ്റ രണ്ടുപേരെ തീവ്ര പരിചരണ വിഭാഗത്തിൽ പ്രവേശിപ്പിച്ചിട്ടുണ്ട്.
ഇന്നുച്ചയ്ക്ക് 12.45 ഓടെയാണ് സംഭവം.
നാട്ടുകാരാണ് പരിക്കേറ്റവരെ ആശുപത്രിയിലെത്തിച്ചത്.
പാത്രങ്ങൾ ലോറിയിൽ കയറ്റിയിരുന്നവരും കടുക്ക വിൽക്കുകയായിരുന്നവരും ലോറിക്ക് സമീപം നിന്നിരുന്നവരുമെല്ലാം ഇടിമിന്നലേറ്റവരിൽ ഉൾപ്പെടുന്നു.