ന്യൂഡൽഹി: സിക്കിമിനു സമീപം, ഇന്ത്യയുടെ അതിർത്തിക്ക് അടുത്തായി, യുദ്ധവിമാനങ്ങൾ വിന്യസിച്ച് ചൈന.
അതിർത്തിയിൽനിന്ന് 150 കിലോമീറ്റർ അകലെയാണിത്.
മേയ് 27ന് ശേഖരിച്ച ഉപഗ്രഹ ചിത്രങ്ങളിലാണ് യുദ്ധവിമാനങ്ങളുടെ സാന്നിധ്യം കണ്ടെത്തിയതായി റിപ്പോർട്ടുള്ളത്.
ഷിഗാറ്റ്സെയിലെ വിമാനത്താവളത്തിലാണ് 6 ചൈനീസ് ജെ-20 സ്റ്റെൽത്ത് ഫൈറ്ററുകൾ കണ്ടെത്തിയത്.
ഇത് സിക്കിമിനോട് ചേർന്നാണ്.ചൈനയുടെ ഏറ്റവും നൂതന പ്രവർത്തനക്ഷമതയുള്ള യുദ്ധവിമാനങ്ങളാണ് ജെ 20 സ്റ്റെൽത്ത് ഫൈറ്റർ.
ചൈനയുടെ കിഴക്കൻ പ്രവിശ്യകളെ കേന്ദീകരിച്ചാണ് ഇവയുടെ പ്രവർത്തനം.
ടെക്നോളജി ആൻഡ് അനാലിസിസ് അറ്റ് ഓൾ സോഴ്സ് എന്ന സ്വകാര്യ ഗവേഷണകേന്ദ്രത്തിൽ നിന്നുള്ള വിവരമാണിത്.
ലോകത്തിലെ ഏറ്റവും ഉയരം കൂടിയ വിമാനത്താവളങ്ങളിൽ ഒന്നായ ഷിഗാറ്റ്സെ 12,408 അടി ഉയരത്തിലാണ് സ്ഥിതി ചെയ്യുന്നത്.
ചിത്രങ്ങൾ പ്രകാരം ഒരു കെ ജെ-500 എയർബോൺ ഏർലി വാണിങ് ആൻഡ് കൺട്രോൾ എയർക്രാഫ്റ്റും ദൃശ്യമാണ്.