തിരുവനന്തപുരം:മഴയ്ക്ക് സാധ്യത അറിയിച്ചുകൊണ്ട് കേരള തീരത്ത് ചക്രവാതച്ചുഴി
രൂപപ്പെട്ടിരിക്കുകയാണിപ്പോൾ.
7 ദിവസം സംസ്ഥാനത്ത് വ്യാപകമായ, ഇടിയും മിന്നലും കാറ്റും ഒരുമിച്ചുള്ള മിതമായതോ അല്ലെങ്കിൽ ഇടത്തരം മഴയ്ക്കോ സാധ്യതയുണ്ടെന്നാണു കാലാവസ്ഥാ പ്രവചനം.
ഇടുക്കി, കോഴിക്കോട് ജില്ലകളിൽ ഓറഞ്ച് അലർട്ട് പ്രഖ്യാപിച്ചു.
കോട്ടയം, എറണാകുളം, തൃശൂർ, പാലക്കാട്, മലപ്പുറം, വയനാട്, കണ്ണൂർ ജില്ലകളിൽ യെലോ അലർട്ട് പ്രഖ്യാപിച്ചിട്ടുണ്ട്.
2 ജില്ലകളിൽ ഓറഞ്ച് അലർട്ട്. തെക്ക്-കിഴക്കൻ അറബിക്കടലിൽ കേരള തീരത്തിന് അരികെയാണ് ചക്രവാതച്ചുഴി രൂപപ്പെട്ടിരിക്കുന്നത്.
ഇതിന്റെ ഫലമായി കേരള തീരത്ത് ശക്തമായ പടിഞ്ഞാറൻ കാറ്റ് നിലനിൽക്കുന്നതായി കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചിട്ടുണ്ട്.