ഏരൂർ:അശ്ലീല സന്ദേശമയച്ച യുവാവിനെ കുടുക്കിയ യുവതിയും സംഘവും പോലീസിന്റെ വലയിലായി.
യുവതി സിനിമയെക്കുറിച്ചിട്ട റീല്‍സ് കണ്ടശേഷമാണ് യുവാവ് അശ്ലീല സന്ദേശമയച്ചത്.
മൂവാറ്റുപുഴ സ്വദേശിയാണ് യുവാവ്.
യുവാവില്‍നിന്നാണ് ഇരുപതു ലക്ഷം രൂപ ആവശ്യപ്പെട്ടത്.
യുവാവ് രണ്ടുലക്ഷം രൂപ നല്‍കിയിരുന്നു.
അപ്പോൾ മൂന്നുലക്ഷം രൂപ കൂടി വീണ്ടും ആവശ്യപ്പെട്ടു.
ആലപ്പുഴ സ്വദേശിനി ജസ്ലി, ആലുവ സ്വദേശി അഭിജിത്, നിലമ്പൂര്‍ സ്വദേശി സല്‍മാന്‍ എന്നിവരാണ് ഇപ്പോൾ അറസ്റ്റിലായിരിക്കുന്നത്.
ജസ്ലി സമൂഹമാധ്യമത്തിൽ ഒരു റീൽസ് പങ്കുവച്ചിരുന്നു.
അത് കണ്ടതിനു ശേഷമാണ് യുവാവ് അശ്ലീല ചുവയുള്ള സന്ദേശമയച്ചത്.
ഇക്കാര്യം ചൂണ്ടിക്കാണിച്ച് ജസ്ലി ഏരൂർ പൊലീസിൽ ഇന്നലെ പരാതി നൽകിയിരുന്നു.
സ്വമേധയാ കേസെടുക്കാൻ സാധിക്കാത്തതിനാൽ പൊലീസ് ഇതു സംബന്ധിച്ച റിപ്പോർട്ട് കോടതിയിൽ സമർപ്പിച്ചിട്ടുണ്ട്.
അതിനിടെയാണ് കേസ് പിൻവലിക്കാൻ 20 ലക്ഷം രൂപ ആവശ്യപ്പെട്ട് യുവാവിനെ യുവതി പിന്നെയും സമീപിച്ചത്.
അഞ്ച് ലക്ഷം രൂപ നൽകാമെന്ന് യുവാവ് സമ്മതിക്കുകയും ചെയ്തു.
ആദ്യം രണ്ടു ലക്ഷം രൂപ അഭിജിത്തിന്റെ അക്കൗണ്ടിലേക്ക് ട്രാൻസ്ഫർ ചെയ്തു.
മൂന്നു ലക്ഷം കൂടി നൽകാനുള്ള തയാറെടുപ്പിലായിരുന്നു.
അതിനിടെയാണ് പൊലീസ് ഇടപെട്ടതും സംഘത്തെ അറസ്റ്റ് ചെയ്തതും.