സമൂഹ മാധ്യമങ്ങളില് ഒറ്റ നോട്ടത്തില് ഇടതുപക്ഷം എന്ന് തോന്നുന്ന പല ഗ്രൂപ്പുകളും വിലയ്ക്കെടുത്തു എന്ന് സിപിഎം കണ്ണൂര് ജില്ലാ സെക്രട്ടറി എം.വി ജയരാജന്.
ചെങ്കോട്ട, ചെങ്കതിര്, പോരാളി ഷാജി എന്നിവയെ ആശ്രയിക്കുന്നവര് ഇക്കാര്യം ഓര്ക്കണം. സോഷ്യല് മീഡിയ മാത്രം നോക്കി നില്ക്കുന്ന ശീലം ചെറുപ്പക്കാരില് വ്യാപമാകുന്നു.
അതിന്റെ ദുരന്തം ഈ തെരഞ്ഞെടുപ്പില് ഇടതിനെതിരെ ചിന്തിക്കാന് ഇടയാക്കിയിട്ടുണ്ടെന്നും എം.വി ജയരാജന് പറഞ്ഞു.
‘പാര്ട്ടി പ്രവര്ത്തകരും പ്രസ്ഥാനത്തോട് കൂറുള്ളവരും ഒരുകാര്യം മനസ്സിലാക്കണം, ഇടതുപക്ഷമെന്ന് നമ്മള് കരുതുന്ന സോഷ്യല് മീഡിയയിലെ പല ഗ്രൂപ്പുകളെയും വിലയ്ക്ക് വാങ്ങുകയാണ്.
അത്തരം ഗ്രൂപ്പുകളുടെ അഡ്മിന്മാരെ വിലയ്ക്ക് വാങ്ങുകയാണ്. വിലയ്ക്ക് വാങ്ങിക്കഴിഞ്ഞാല് നേരത്തെ നടത്തിയ പോലുള്ള കാര്യമല്ല വരുന്നത്.
ഇടതുപക്ഷ വിരുദ്ധ, സിപിഎം വിരുദ്ധ പോസ്റ്റുകളാണ് പിന്നെ വരുന്നത്. ഇതു പുതിയ കാലത്തെ വെല്ലുവിളിയാണ്’ എം.വി ജയരാജന് പറഞ്ഞു.