പരീക്ഷയ്ക്ക് എഴുതാനിരുന്നിട്ട് ഒന്നും എഴുതാൻ ഇല്ലാതെ ഉത്തരവും (മേൽക്കൂര-ceiling) നോക്കിയിരുന്ന അനുഭവം ഇതു വായിക്കുന്ന കുറച്ചു പേർക്കെങ്കിലും ഉണ്ടായിട്ടുണ്ടാകും. ചില മിടുക്കന്മാരും മിടുക്കികളും മനസ്സിൽ തോന്നുന്നതെല്ലാം എഴുതി നിറച്ചിട്ടുമുണ്ടാകും. വീണ്ടും വീണ്ടും എഴുതാൻ പേപ്പർ വാങ്ങി മറ്റുള്ളവരുടെ മുമ്പിൽ ആളാകാനുള്ള ശ്രമങ്ങളും നടത്തിയിട്ടുണ്ടാകും.
ഒരു വിദ്യാർത്ഥിയുടെ ഉത്തരക്കടലാസിൻ്റെ വീഡിയോ കണ്ടിട്ട് ഇൻ്റർനെറ്റിലെ ഏറ്റവും രസകരമായ തമാശയായി കാണികൾ വിശേഷിപ്പിച്ചു. Meme’s connection എന്ന ഇൻസ്റ്റഗ്രാം പേജിലാണ് വീഡിയോ പോസ്റ്റ് ചെയ്തിരിക്കുന്നത്.
ചോദ്യം, ഹൃദയത്തിൻ്റെ ഘടന ചിത്രം സഹിതം വിവരിക്കാനായിരുന്നു. വരച്ച ഹൃദയത്തിൻ്റെ അറകൾക്ക് വിദ്യാർത്ഥി ഇട്ട പേരുകൾ ഹരിത, പ്രിയ, പൂജ, രൂപ, നമിത എന്നിങ്ങനെയായിരുന്നു. വിശദമായി തന്നെ വിദ്യാർത്ഥി എഴുതി. പോസ്റ്റിന് ലൈക്ക് ഒരു മില്യൺ കടന്നു.
വിദ്യാർത്ഥിയുടെ ഹൃദയത്തിൻ്റെ വിവരണം ഇങ്ങനെ: ഹരിത വലത്തേ ഏട്രിയത്തിൽ, ക്ലാസ് മേറ്റാണ്. പ്രിയ ഇടത്തേ ഏട്രിയത്തിൽ, ഇൻസ്റ്റഗ്രാമിലെ പ്രിയ കൂട്ടുകാരിയാണ്. വലത്തേ വെൻട്രിക്കിളിൽ പൂജ മുൻ പ്രണയിനി. ഇടത്തേ വെൻട്രിക്കിളിൽ രൂപ, സ്നാപ് ചാറ്റിലെ പ്രിയതോഴി. ഇനി ഹൃദയത്തിൻ്റെ അടിത്തട്ടിലുള്ളത് നമിത, വലിയ കണ്ണുകളും നീണ്ട മുടിയുമുള്ള അയൽക്കാരി.
ഇന്നത്തെ ടീനേജ് ഇമോഷനുകളുടെ ആകെ തുകയാണ് വിദ്യാർത്ഥി വരച്ച ഹൃദയം. എന്തായാലും ഒന്നു ‘ഹൃദയം’ തുറന്നു ചിരിക്കാം!