കോഴിക്കോട് കുറുക്കൻ്റെ കടിയേറ്റ് നാലുപേർക്ക് ഗുരുതര പരുക്ക്.
അത്തോളി പഞ്ചായത്തിലെ മൊടക്കല്ലൂരിൽ ആണ് സംഭവം.
പരുക്കേറ്റ പനോളി ദേവയാനി (65), ചിറപ്പുറത്ത് ശ്രീധരൻ (70), ഭാര്യ സുലോചന (60) എന്നിവരെ കോഴിക്കോട് ഗവ. മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
ദേവയാനിയെയാണ് ആദ്യം കുറുക്കൻ വീട്ടിൽ കയറി കടിച്ചത്. അവിടെനിന്ന് നൂറുമീറ്റർ ദൂരത്തിലുള്ള കോഴിക്കോട്ടയിൽ ശ്രീധരൻ (70), ഭാര്യ സുലോചന (60) എന്നിവരെയും കടിച്ചു.
ഇവരുടെ നിലവിളി കേട്ട് ഓടിയെത്തിയ അയൽക്കാരനായ മണ്ടകശ്ശേരി സുരേഷിനെയും കുറുക്കൻ കടിച്ചു. ശ്രീധരൻ്റെ പരുക്ക് ഗുരുതരമാണ്. കുറുക്കനെ പിടികൂടി.