തേങ്ങ പെറുക്കാൻ പുഴയില്‍ ഇറങ്ങിയയാളെ ഒഴുക്കില്‍ പെട്ട് കാണാതായി.
പാലക്കാട് അയിലൂർ മുതുകുന്നി പുഴയിലാണ് അപകടം.
ആണ്ടിത്തറ പുത്തൻ വീട്ടില്‍ രാജേഷാണ് (42) ഒഴുക്കില്‍ പെട്ടത്. രാജേഷിനും വേണ്ടി അഗ്നിരക്ഷാസേനയും ആലത്തൂർ പൊലീസും തെരച്ചില്‍ തുടരുകയാണ്.
മുതുകുന്നി തടയണക്ക് സമീപം ഉച്ചക്ക് 2 മണിയോടെയാണ് സംഭവമുണ്ടായത്. വിദേശത്ത് നിന്ന് അവധിക്ക് നാട്ടിലെത്തിയതാണ് രാജേഷ്. തേങ്ങ പെറുക്കാൻ സുഹൃത്തുക്കള്‍ക്കൊപ്പം പോയി വരുന്നതിനിടെയാണ് ഒഴുക്കില്‍ പെട്ടത്. ഒപ്പമുണ്ടായിരുന്നവർ ചേർന്ന് രാജേഷിനെ കരക്ക് കയറ്റാൻ ശ്രമം നടത്തിയെങ്കിലും രക്ഷപ്പെടുത്താൻ കഴിഞ്ഞില്ല.