നൈനിറ്റാള് ബാങ്കിന്റെ നോയിഡ ശാഖയിലെ സെർവറുകള് ഹാക്ക് ചെയ്ത് 16 കോടിയിലധികം രൂപ കവർന്നതായി പരാതി.
89 വ്യത്യസ്ത അക്കൗണ്ടുകളിലേക്ക് പണം ട്രാൻസ്ഫർ ചെയ്താണ് തട്ടിപ്പ് നടത്തിയത്.
സംഭവത്തില് ബാങ്കിന്റെ ഐടി മാനേജർ സുമിത് കുമാർ ശ്രീവാസ്തവ സൈബർ ക്രൈം പോലീസ് സ്റ്റേഷനില് പരാതി നല്കി. ജൂണ് 16 നും ജൂണ് 20 നും ഇടയിലാണ് കവർച്ച നടന്നത്.
ജൂണ് 17ന്, സാധാരണ ഓഡിറ്റിങ്ങില് ബാലൻസ് ഷീറ്റില് പണം കുറവുണ്ടെന്ന് കണ്ടെത്തിയെന്നും ദിവസങ്ങളോളം ബാലൻസ് ഷീറ്റുമായി പൊരുത്തപ്പെടാൻ കഴിയാതെ വന്നപ്പോഴാണ് തട്ടിപ്പ് പുറത്തായതെന്നും പരാതിയില് പറയുന്നു.
സംഭവത്തില് കേസ് രജിസ്റ്റർ ചെയ്തതായി എസിപി സൈബർ ക്രൈം വിവേക് രഞ്ജൻ റായ് അറിയിച്ചു. കേസ് അന്വേഷിക്കുന്നതിനായി പ്രത്യേക സംഘത്തെ രൂപീകരിച്ചുവെന്നും അദ്ദേഹം പറഞ്ഞു.