മനുഷ്യൻ ജനിച്ചതുമുതൽ, ഭൂമിയിലെ എല്ലാവർക്കും ഒരു ദിവസത്തിൽ ഒരേ 24 മണിക്കൂറുകൾ ആണുള്ളത്. എന്നാൽ ഇത് എല്ലായ്പ്പോഴും അങ്ങനെ ആയിരിക്കില്ല. ശാസ്ത്രജ്ഞരുടെ അഭിപ്രായത്തിൽ ഭൂമിയിൽ 24 മണിക്കൂറിന് പകരം 25 മണിക്കൂറുള്ള ഒരു കാലം ഭാവിയിൽ വരും. ഓരോ വർഷവും ചന്ദ്രൻ ഭൂമിയിൽ നിന്ന് അകന്നുപോകുന്നുണ്ട്. ഇക്കാരണത്താലാണ ദിവസത്തിൻ്റെ ദൈർഘ്യം വർദ്ധിക്കും എന്നു പറയുന്നത്. അതായത് ഒരു ദിവസം 25 മണിക്കൂർ ആയി മാറും.
ചന്ദ്രൻ ഭൂമിയിൽ നിന്ന് പതുക്കെ അകലുന്നുണ്ട്. നിലവിൽ ചന്ദ്രൻ ഏകദേശം 384,400 കിലോമീറ്റർ (238,855 മൈൽ) അകലെയാണ്. ഏകദേശം ഓരോ 27.3 ദിവസത്തിലും ചന്ദ്രൻ ഭൂമിക്കു ചുറ്റുമുള്ള ഒരു ഭ്രമണം പൂർത്തിയാക്കുന്നു. വിസ്കോൺസിൻ-മാഡിസൺ സർവകലാശാലയിലെ ഗവേഷകർ ഈ പ്രതിഭാസത്തെ പറ്റി ഒരു പഠനം നടത്തി. ഏകദേശം 90 ദശലക്ഷം വർഷങ്ങൾക്ക് മുമ്പ് ചന്ദ്രനിൽ രൂപപ്പെട്ട പാറകളെ അവർ വിശദമായി പഠിച്ചു. ഏകദേശം 1.4 ബില്യൺ വർഷങ്ങൾക്ക് മുമ്പ് ചന്ദ്രനൊപ്പം ഭൂമിയുടെ സ്ഥാനം എന്താണെന്നും അവർ കണ്ടെത്തി.
ഓരോ വർഷവും ഏകദേശം 3.82 സെൻ്റീമീറ്റർ എന്ന തോതിൽ ചന്ദ്രൻ ഭൂമിയിൽ നിന്ന് അകലുന്നതായി ഇത് കാണിക്കുന്നു. ഈ നിരക്ക് തുടരുകയാണെങ്കിൽ അടുത്ത 200 ദശലക്ഷം വർഷങ്ങളിൽ ഭൂമിയുടെ ഒരു ദിവസം ഏകദേശം 25 മണിക്കൂർ ആയിരിക്കും. ചന്ദ്രൻ്റെ അകൽച്ച ഭൂമിയുടെ ഭ്രമണത്തെ ബാധിക്കുന്നു. ഭൂമിക്കും ചന്ദ്രനും ഇടയിലുള്ള ഗുരുത്വാകർഷണ ബലമാണ് ഈ പ്രക്രിയക്ക് അടിസ്ഥാനം.
വിസ്കോൺസിൻ-മാഡിസൺ സർവകലാശാലയിലെ ജിയോളജി പ്രൊഫസറായ സ്റ്റീഫൻ മെയേഴ്‌സ് ഇതിനെ ഒരു ഫിഗർ സ്കേറ്ററുമായി താരതമ്യം ചെയ്യുന്നു. അദ്ദേഹം വിശദീകരിക്കുന്നു, “ചന്ദ്രൻ അകന്നുപോകുമ്പോൾ ഭൂമി വേഗത കുറയ്ക്കുന്ന ഒരു സ്പിന്നിംഗ് ഫിഗർ സ്കേറ്റർ പോലെയായി മാറുന്നു.” ഒരു സ്കേറ്റർ തൻ്റെ കൈകൾ വിടർത്തി വേഗത കുറയ്ക്കുന്നതു പോലെ ചന്ദ്രൻ അകന്നുപോകുമ്പോൾ ഭൂമിയുടെ ഭ്രമണവും മന്ദഗതിയിലാകുന്നു.
ഭൂമിയുടെ ഭ്രമണം പകലിൻ്റെ ദൈർഘ്യത്തെ ബാധിക്കുന്നു. വളരെ പഴക്കമുള്ള പാറകൾ പരിശോധിക്കുന്നതിലൂടെ ശതകോടിക്കണക്കിന് വർഷങ്ങളായുള്ള ഭൂമിയുടെ ഭ്രമണവും ചന്ദ്രൻ്റെ ഭ്രമണപഥവും എങ്ങനെ മാറിയെന്ന് ശാസ്ത്രജ്ഞർ പഠനവിധേയമാക്കുന്നു. 1960 കളിലും 1970 കളിലും അപ്പോളോ ദൗത്യത്തിൽ ചന്ദ്രനെക്കുറിച്ച് ധാരാളം ഗവേഷണങ്ങൾ നടത്തിയിട്ടുണ്ട്. അവിടെയിറങ്ങിയ നാസ ബഹിരാകാശ സഞ്ചാരികളുടെ അഭിപ്രായത്തിൽ, ചന്ദ്രൻ്റെ അന്തരീക്ഷം വളരെ ദുർബലമാണ്. ഭൂമിയുടെ അന്തരീക്ഷവുമായി താരതമ്യം ചെയ്യുമ്പോൾ ചന്ദ്രൻ്റെ അന്തരീക്ഷം വളരെ നേർത്തതാണ്.
ചന്ദ്രൻ്റെ മണ്ണിലും ഗവേഷണം നടത്തി. അപ്പോളോ ദൗത്യത്തിൻ്റെ കാലത്ത് ഈ മണ്ണ് ചന്ദ്രനിൽ നിന്ന് സാമ്പിളിനായി കൊണ്ടുവന്നിരുന്നു. ഇതിൽ നിന്ന് വലുതും ചെറുതുമായ ഉൽക്കകളുടെ ആഘാതം ചന്ദ്രൻ്റെ അന്തരീക്ഷത്തിന് കാരണമാകുമെന്ന് ശാസ്ത്രജ്ഞർ കണ്ടെത്തി.