എൻ.എസ്. മാധവൻ പ്രകാശനം ചെയ്യും
കോഴിക്കോട്: ഷാഹിന കെ. റഫീഖിൻ്റെ ലേഡീസ് കൂപെ അഥവാ തീണ്ടാരിവണ്ടി ഇംഗ്ലീഷിലേക്ക്. The Menstrual Coupe എന്ന ടൈറ്റിലിൽ പ്രിയ കെ. നായർ ആണ് പരിഭാഷ. ഹഷെറ്റ് ഇന്ത്യ (Hachette india) ആണ് പ്രസാധകർ. പുസ്തകം 2024 ആഗസ്റ്റ് 30 വെള്ളി വൈകീട്ട് 5 മണിക്ക് പി.ടി. ഉഷ റോഡ് ചാവറ കൾച്ചറൽ സെൻ്റർ ഹാളിൽ നടക്കുന്ന ചടങ്ങിൽ എഴുത്തുകാരി ബി.എം. സുഹറ അധ്യക്ഷത വഹിക്കും. പ്രശസ്ത എഴുത്തുകാരൻ എൻ.എസ്. മാധവൻ മാതൃഭൂമി വിഷുപ്പതിപ്പ് കഥാമത്സരത്തിൽ ജേതാവായ ജബീൻ മഠത്തിലിന് കോപ്പി നൽകി പുസ്തകം പ്രകാശനം ചെയ്യും. ഡോ. കെ. അരുൺ ലാൽ പുസ്തകം പരിചയപ്പെടുത്തും. ഫാദർ ജോൺ മണ്ണാറത്തറ, ഡോ. പ്രിയ കെ. നായർ, ഷാഹിന കെ. റഫീഖ്, ദിവ്യ, റോഷ്നി എന്നിവർ സംസാരിക്കും. കല, സാഹിത്യം, സിനിമ കൂട്ടായ്മയായ ടാക്കീസ് (TALKIES) ആണ് സംഘാടനം.
