മൂന്നിലവ് കടപുഴയാറ്റില്‍ എൻജിനിയറിംഗ് കോളേജ് വിദ്യാർഥി മുങ്ങിമരിച്ചു.കൊല്ലം സ്വദേശിയും തിരുവനന്തപുരം രാജധാനി എൻജിനീയറിംഗ് കോളജ് ബി.ടെക് വിദ്യാർഥിയുമായ ഹാറൂണ്‍ ഹാരിസ് (20)ആണ് മരിച്ചത്.
ഇന്നലെ ഉച്ചയോടെയാണ് അപകടമുണ്ടായത്. കോളജ് വിദ്യാർഥികളായ ഏഴ് പേരടങ്ങുന്ന സംഘമാണ് മുന്നിലവില്‍ വിനോദസഞ്ചാരത്തിനായി എത്തിയത്. ഇതില്‍ മൂന്ന് പേർ കുളിക്കാനായി കയത്തില്‍ ഇറങ്ങിയപ്പോള്‍ ഹാറൂണ്‍ മുങ്ങിത്താഴുകയായിരുന്നു.
ഒപ്പമുണ്ടായിരുന്നവർക്ക് ഹാറൂണിനെ പുറത്തെടുക്കാനായില്ല. വിവരമറിഞ്ഞ്ഈരാറ്റുപേട്ടയില്‍നിന്നു ഫയർഫോഴ്‌സ് എത്തിയെങ്കിലും മരണം സംഭവിച്ചിരുന്നു. മൃതദേഹം പാലാ ജനറലാശുപത്രിയിലേയ്ക്ക് മാറ്റി.