ഇരട്ടയാർ ശാന്തിഗ്രാം 4 സെൻ്റ് കോളനിയില് ഒഴത്തില് അനൂപ് – മാലതി ദമ്പതികളുടെ ഇളയ മകൻ ശ്രാവണ് പിക്കപ്പ് ഇടിച്ച് മരിച്ചു.4 വയസായിരുന്നു. അബദ്ധത്തില് വാഹനത്തിനടിയില് കുടുങ്ങുകയായിരുന്നുവെന്നാണ് നിഗമനം.
അപകടത്തില് മരിച്ച കുട്ടിയുടെ അമ്മ കുടുംബശ്രീ യോഗം കൂടുന്നതിനിടെ കുട്ടിയുടെ അമ്മക്ക് പണം നല്കുന്നതിനായി വാഹനവുമായെത്തിയ സന്തോഷ് റോഡില് വാഹനം നിർത്തി. തുടർന്ന് സംസാരിക്കുന്നതിനിടയില് അമ്മയ്ക്ക് ഒപ്പം വാഹനത്തിനടുത്ത് കുട്ടിയെത്തിയിരുന്നു.
കുട്ടിയെ ഡ്രൈവറും മറ്റുള്ളവരും കണ്ടിരുന്നില്ലെന്നാണ് ദൃക്സാക്ഷികള് പറയുന്നത്. കുട്ടി നില്ക്കുന്നതറിയാതെ ഡ്രൈവർ വാഹനം മുന്നോട്ടെടുത്തതാണ് അപകടകാരണം.