കണ്ണൂരിലെ മുന് എ.ഡി.എം നവീന് ബാബുവിന്റെ ആത്മഹത്യാക്കേസില് പി.പി ദിവ്യ സമര്പ്പിച്ച മുന്കൂര് ജാമ്യ ഹര്ജി കോടതി ഇന്ന് പരിഗണിക്കും.
തലശ്ശേരി പ്രിന്സിപ്പല് സെഷന്സ് കോടതിയാണ് ദിവ്യയുടെ മുന്കൂര് ജാമ്യാപേക്ഷ പരിഗണിക്കുക. നവീന് ബാബുവിന്റെ മരണത്തില് ആത്മഹത്യ പ്രേരണക്കുറ്റം ചുമത്തിയതിന് പിന്നാലെ കഴിഞ്ഞ വെള്ളിയാഴ്ചയാണ് പി.പി ദിവ്യ മുന്കൂര് ജാമ്യ ഹര്ജി നല്കിയത്
ഹര്ജിയില് നവീന് ബാബുവിന്റെ കുടുംബവും കക്ഷി ചേരും. കുടുംബത്തിന്റെ വാദം കേട്ട ശേഷം പൊലീസ് റിപ്പോര്ട്ട് ആവശ്യപ്പെടാനാണ് സാധ്യത. വിധി വരും വരെ അറസ്റ്റ് തടയണമെന്ന് ദിവ്യയുടെ അഭിഭാഷകന് ആവശ്യപ്പെട്ടേക്കും.