കോമണ്വെല്ത്ത് പാര്ലമെന്ററി കോണ്ഫറന്സില് പങ്കെടുക്കാന് സ്പീക്കർ എ.എന്. ഷംസീര് ആസ്ട്രേലിയയില്.കോമണ്വെല്ത്ത് രാജ്യങ്ങളിലെ നിയമനിര്മ്മാണ സഭകള് അംഗങ്ങളായ, ലണ്ടന് ആസ്ഥാനമായുള്ള അന്താരാഷ്ട്ര സംഘടനയാണ് കോമണ്വെല്ത്ത് പാര്ലമെന്ററി അസോസിയേഷന്. കോമണ്വെല്ത്ത് രാജ്യങ്ങളിലെ ദേശീയ പാര്ലമെന്റും, പ്രാദേശിക നിയമനിര്മ്മാണ സഭകളും ചേര്ന്ന് ആകെ 180-ഓളം ജനാധിപത്യ സഭകള് അസോസിയേഷനില് അംഗങ്ങളാണ്. ഇന്ത്യന് പാര്ലെമന്റില്നിന്നും, സംസ്ഥാന നിയമനിര്മ്മാണ സഭകളില് നിന്നുമുള്ള സഭാധ്യക്ഷന്മാരും, ഉദ്യോഗസ്ഥരും ഈ യോഗത്തില് പങ്കെടുക്കുന്നു. കേരള നിയമസഭയുടെ അധ്യക്ഷന് എന്ന നിലയില് സ്പീക്കര് എ.എന്. ഷംസീര് കോണ്ഫറന്സില് പങ്കെടുക്കുന്നു.
അസോസിയേഷന് പ്രവര്ത്തനങ്ങളുടെ ഭാഗമായി വിവിധ രാജ്യങ്ങളിലായി വാര്ഷിക സമ്മേളനം ചേര്ന്നുവരുന്നു. 67-ാമത് കോമണ്വെല്ത്ത് പാര്ലമെന്ററി കോണ്ഫറന്സ് നവംബര് 3 മുതല് 8 വരെയുള്ള തീയതികളില് ആസ്ട്രേലിയയിലെ സിഡ്നിയില് വച്ച് നടക്കുകയാണ്.
