നടനും തമിഴക വെട്രി കഴകം (ടിവികെ) നേതാവുമായ വിജയ് 2026ലെ നിയമസഭാ തിരഞ്ഞെടുപ്പിൽ ധർമപുരി മണ്ഡലത്തിൽനിന്ന് മത്സരിച്ചേക്കുമെന്ന് റിപ്പോർട്ട്. ടിവികെ ധർമപുരി ജില്ലാ പ്രസിഡന്റ് ശിവയാണ് ഇക്കാര്യം പ്രഖ്യാപിച്ചത്.ധർമപുരിയിൽനിന്ന് മത്സരിക്കണമെന്ന് താൻ വിജയ്‌യോട് ആവശ്യപ്പെട്ടിട്ടുണ്ടെന്നും അദ്ദേഹം അംഗീകരിക്കുമെന്ന് ഉറപ്പുണ്ടെന്നും കഴിഞ്ഞദിവസം ധർമപുരിയിൽ നടന്ന ടിവികെ ജില്ലാ അറ്റോർണിമാരുടെ യോഗത്തിൽ ശിവ പറയുന്ന വിഡിയോ വ്യാപകമായി പ്രചരിച്ചു.ധർമപുരിയിലെ 5 മണ്ഡലങ്ങളിൽ ഏതെങ്കിലും ഒരു മണ്ഡലത്തിൽ വിജയ് മത്സരിക്കും. ഇക്കാര്യം പരസ്യമായി പ്രഖ്യാപിക്കുമെന്ന് വിജയ് ഉറപ്പുനൽകിയിട്ടുണ്ട്. വൻ ഭൂരിപക്ഷത്തിൽ അദ്ദേഹത്തെ വിജയിപ്പിക്കണം’’-ശിവ പറഞ്ഞു. ടിവികെയിൽനിന്ന് ഇക്കാര്യത്തിൽ പ്രതികരണം ഉണ്ടായിട്ടില്ല.