രാജ്യതലസ്ഥാനമായ ദില്ലിയില് അതിശൈത്യം. ദില്ലിയിലെ ഏറ്റവും കുറഞ്ഞ താപനില 4.5 ഡിഗ്രി സെല്ഷ്യസായി കുറഞ്ഞു. ഇന്ന് ദില്ലിയില് സീസണിലെ ഏറ്റവും വലിയ തണുപ്പാണ് രേഖപ്പെടുത്തിയതെന്ന് കാലാവസ്ഥാ വകുപ്പ് അറിയിച്ചു. കഴിഞ്ഞ ദിവസം രേഖപ്പെടുത്തിയ 4.9 ഡിഗ്രി സെല്ഷ്യസായിരുന്നു സീസണിലെ ഏറ്റവും കുറഞ്ഞ താപനില. തുടര്ച്ചയായ രണ്ടാം ദിവസവും 24 മണിക്കൂര് ശരാശരി താപനിലയില് 0.4 ഡിഗ്രി സെല്ഷ്യസിന്റെ കുറവ് രേഖപ്പെടുത്തിയിട്ടുണ്ട്.സഫ്ദര്ജംഗ് കാലാവസ്ഥാ സ്റ്റേഷനില് രാവിലെ 8:30 ന് 4.5 ഡിഗ്രി സെല്ഷ്യസാണ് രേഖപ്പെടുത്തിയത്. ഇത് സാധാരണ താപനിലയേക്കാള് നാല് പോയിന്റ് കുറവാണ്.
അതേസമയം, പാലം കാലാവസ്ഥാ കേന്ദ്രം രേഖപ്പെടുത്തിയ കുറഞ്ഞ താപനില രാവിലെ 8:30 ന് 6 ഡിഗ്രി സെല്ഷ്യസാണ്. ഇത് സാധാരണയില് നിന്ന് മൂന്ന് ഡിഗ്രി കുറവാണ്. പാലം സ്റ്റേഷനില് 24 മണിക്കൂര് ശരാശരി താപനിലയില് 0.2 ഡിഗ്രിയുടെ മാറ്റമാണ് രേഖപ്പെടുത്തിയത്.പഞ്ചാബ്, ഹരിയാന, ഉത്തര്പ്രദേശ് സംസ്ഥാനങ്ങളെയും ബാധിക്കുമെന്ന് പ്രതീക്ഷിക്കുന്ന ശീത തരംഗത്തെ തുടര്ന്ന് ദില്ലിയില് വ്യാഴാഴ്ചയോടെ താപനിലയില് കുത്തനെ ഇടിവ് ഉണ്ടാകുമെന്ന് കാലാവസ്ഥാ വകുപ്പ് മുന്നറിയിപ്പ് നല്കിയിരുന്നു.