പാതിവില തട്ടിപ്പ് കേസില്‍ സംസ്ഥാന വ്യാപകമായി എന്‍ഫോഴ്‌മെന്റ് ഡയറക്ടറേറ്റിന്റെ (ഇഡി) റെയ്ഡ്. കേസില്‍ കോണ്‍ഗ്രസ് നേതാവ് ലാലി വിന്‍സെന്റിന്റെ കൊച്ചിയിലെ വീട്ടില്‍ അടക്കം 12 ഇടത്ത് ഇ ഡി റെയ്ഡ് നടക്കുകയാണ്. കേസിലെ പ്രധാനസൂത്രധാരനെന്ന് സംശയിക്കുന്ന ആനന്ദകുമാറിന്റെ ശാസ്തമംഗലത്തെ വീട്ടിലും അദ്ദേഹത്തിന്റെ ഭാരവാഹിത്വത്തിലുള്ള തോന്നയ്ക്കല്‍ സായിഗ്രാമത്തിലും റെയ്ഡ് നടക്കുന്നുണ്ട്. അനന്തു കൃഷ്ണന്റെ വീട്ടിലും പരിശോധന നടക്കുന്നുണ്ട്. ഇ ഡിയുടെ കൊച്ചി ഓഫീസാണ് റെയ്ഡ് നടത്തുന്നത്. രാവിലെ എട്ടരയോടെയാണ് പരിശോധന ആരംഭിച്ചത്. നേരത്തെ ഇ ഡി കേസ് രജിസ്റ്റര്‍ ചെയ്തിരുന്നു.നേരത്തെ ലാലി വിന്‍സെന്റിനെ പാതിവില കേസില്‍ പോലീസ് പ്രതിചേര്‍ത്തിരുന്നു. കണ്ണൂര്‍ ടൗണ്‍ പോലീസ് എടുത്ത കേസില്‍ ലാലി വിന്‍സെന്റ് ഏഴാം പ്രതിയാണ്.