ഡാൻസാഫ് പരിശോധക്കിടെ ഹോട്ടലില് നിന്ന് ഇറങ്ങിയോടി നടൻ ഷൈൻ ടോം ചാക്കോ.നടി വിൻ സി അലോഷ്യസിന്റെ പരാതിക്ക് കൊച്ചിയിലെ ഹോട്ടലില് പരിശോധന നടത്തുന്ന സമയത്താണ് സംഭവം. ഹോട്ടലിന്റെ മൂന്നാം നിലയില് നിന്ന് ഷൈൻ ടോം ചാക്കോ ഇറങ്ങി ഓടിയത്. ഷൈനിന്റെ മുറിയില് നിന്ന് ലഹരി ഉപകരണങ്ങള് കണ്ടെത്തി.ഷൈൻ ടോം ചാക്കോയെ കസ്റ്റഡിയില് എടുക്കും. ഷൈന് ഇറങ്ങിയോടുന്നതിന്റെ സിസിടിവി ദൃശ്യങ്ങള് പുറത്തുവന്നു.
സിനിമ സെറ്റിലെ ലഹരി ഉപയോഗത്തില് ഷൈൻ ടോം ചാക്കോക്കെതിരെ ഫിലിം ചേംബറിനും ആഭ്യന്തര പരാതി സമിതിക്കും താരസംഘടനയായ ‘അമ്മ’ക്കും വിൻസി അലോഷ്യസ് പരാതി നല്കിയത്.ഒന്നിച്ച് അഭിനയിച്ച സിനിമയിലെ നടനില്നിന്ന് മോശം അനുഭവമുണ്ടായെന്നായിരുന്നു നടി വിന്സി അലോഷ്യസിന്റെ വെളിപ്പെടുത്തല്.നടന്റെ പേരെടുത്ത് പറയാതെയായിരുന്നു വിന്സി സോഷ്യല്മീഡിയയില് വീഡിയോ പങ്കുവെച്ചത്. ലഹരി ഉപയോഗിച്ച നടന് തന്നോടും സഹപ്രവര്ത്തകരോടും മോശമായി പെരുമാറി. സിനിമ പൂര്ത്തിയാക്കാന് സംവിധായകന് ഉള്പ്പെടെയുള്ളവര് ബുദ്ധിമുട്ടന്നതു കണ്ടതുകൊണ്ടുമാത്രമാണ് സെറ്റില് തുടര്ന്നതെന്നും വിന്സി പറഞ്ഞു. ലഹരി ഉപയോഗിക്കുന്നവര്ക്കൊപ്പം ഇനി സിനിമചെയ്യില്ലെന്ന് വിന്സിയുടെ പ്രസ്താവനയുണ്ടായിരുന്നു. .