പാർലമെന്റിന്റെ വർഷകാല സമ്മേളനം ജൂലൈ 21 മുതൽ. സമ്മേളനം ഭരണ-പ്രതിപക്ഷ ആരോപണ-പ്രത്യാരോപണത്തില് പ്രക്ഷുബ്ധമാകാനാണ് സാധ്യത.പഹല്ഗാം ഭീകരാക്രമണത്തിനു പിന്നാലെയുണ്ടായ സംഭവവികാസങ്ങള് പ്രതിപക്ഷം ഉയർത്തുന്പോള്, അടിയന്തരാവസ്ഥയുടെ അന്പതാം വാർഷികം പ്രതിപക്ഷത്തിനു നേരേ ഉന്നയിക്കാനാണ് എൻഡിഎ സർക്കാരിന്റെ നീക്കം.
രാജ്യത്തിന്റെ വിദേശനയം ബിജെപി സർക്കാർ പൂർണമായും പരാജയപ്പെടുത്തി എന്ന ആരോപണമായിരിക്കും കോണ്ഗ്രസ് അടക്കമുള്ള പ്രതിപക്ഷപ്പാർട്ടികള് ഉന്നയിക്കുക. മറ്റു ലോകരാജ്യങ്ങള്ക്കു മുന്നില് പാക്കിസ്ഥാന്റെ തീവ്രവാദ പിന്തുണ മനസിലാക്കിക്കൊടുക്കാൻ ഇന്ത്യക്കു സാധിച്ചില്ലെന്നും പ്രതിപക്ഷം ആരോപിക്കും.
