സഹോദയ സിബിഎസ്‌ഇ സ്കൂൾ കലോത്സവം സർഗസംഗമം 2025 ചെങ്ങനാശ്ശേരി ചെത്തിപ്പുഴ പ്ലാസിഡ് വിദ്യാവിഹാർ സീനിയർ സെക്കൻഡറി സ്കൂളിൽ നടക്കും. ഒക്ടോബർ 4നു രചനാമത്സരങ്ങൾ. മറ്റു മത്സരങ്ങൾ ഒക്ടോബർ 9 മുതൽ 11വരെ നടക്കും. കോട്ടയം, ഇടുക്കി, പത്തനംതിട്ട, എറണാകുളം ജില്ലകളിൽനിന്നുള്ള 115 സ്കൂളുകളിലെ മത്സരാർഥികൾ 25 വേദികളിലായി 148 ഇനങ്ങളിൽ പങ്കെടുക്കുമെന്നു സഹോദയ പ്രസിഡൻ്റ് ബെന്നി ജോർജ്, സെക്രട്ടറി ആർ.സി.കവിത, ഫാ. ജോസ് കാഞ്ഞൂപ്പറമ്പിൽ എന്നിവർ പറഞ്ഞു.