അയോധ്യ രാമക്ഷേത്രത്തിലെ മുഖ്യ പൂജാരി ആചാര്യ സത്യേന്ദ്ര ദാസ് (85) അന്തരിച്ചു.ലക്നോയിലെ സഞ്ജയ് ഗാന്ധി പോസ്റ്റ് ഗ്രാജ്വേറ്റ് ഇൻസ്റ്റിറ്റ്യൂട്ട് ഓഫ് മെഡിക്കല്‍ സയൻസസ് ആശുപത്രിയില്‍ ഇന്നു പുലർച്ചെയായിരുന്നു അന്ത്യം.പക്ഷാഘാതത്തെ തുടർന്ന് ഈമാസം മൂന്നു മുതല്‍ ന്യൂറോളജി ഐസിയുവില്‍ ചികിത്സയിലായിരുന്നു.നിർവാണി അഖാര വിഭാഗത്തിലെ സന്യാസിയായിരുന്ന ആചാര്യ സത്യേന്ദ്ര ദാസ് 1992 മുതല്‍ രാമക്ഷേത്രത്തിലെ പുരോഹിതനായിരുന്നു.കഴിഞ്ഞ ദിവസം യുപി മുഖ്യമന്ത്രി യോഗി ആദിത്യനാഥ് ആശുപത്രിയിലെത്തി ആചാര്യ സത്യേന്ദ്ര ദാസിനെ സന്ദർശിച്ചിരുന്നു. നികത്താനാവാത്ത നഷ്ടം എന്നാണ് അദ്ദേഹത്തിന്‍റെ വിയോഗത്തില്‍ മുഖ്യമന്ത്രി പ്രതികരിച്ചത്.