ആലപ്പുഴ ജില്ലയിൽ പക്ഷിപ്പനി സ്ഥിതീകരിച്ചിരിക്കുന്ന സാഹചര്യത്തിൽ പക്ഷിപ്പനിയുടെ പ്രഭവ കേന്ദ്രത്തിന്റെ ഒരു കിലോമീറ്റര് ചുറ്റളവിലുള്ള വളർത്തുപക്ഷികളെ കൊല്ലും.
തലവടി, തഴക്കര, ചമ്പക്കുളം വാർഡുകളിലെ 12,678 വളർത്തുപക്ഷികളെ ശനിയാഴ്ച കൊന്നൊടുക്കും എന്നാണ് അറിയിച്ചിരിക്കുന്നത്.
പക്ഷികളെ കൊല്ലുന്ന കണക്കനുസരിച്ച്, തലവടിയിൽ 4074, തഴക്കരയിൽ 8304, ചമ്പക്കുളത്ത് 300, എന്നിങ്ങനെയാണ്.
നേരത്തെ പക്ഷിപ്പനി പത്തനംതിട്ട തിരുവല്ല നിരണത്തെ സർക്കാർ താറാവ് വളർത്തൽ കേന്ദ്രത്തിലും സ്ഥിരീകരിച്ചിരുന്നു.
ഇതിന് പുറകേ, നിരണത്ത് കഴിഞ്ഞ ദിവസം വീണ്ടും പക്ഷിപ്പനി സ്ഥിരീകരിച്ചിരുന്നു.
പഞ്ചായത്തിലെ 11-ാം വാർഡിൽ ഉൾപ്പെട്ട ഇരതോട് പ്രദേശത്താണ് കഴിഞ്ഞ ദിവസം പക്ഷിപ്പനി സ്ഥിരീകരിച്ചത്. പക്ഷിപ്പനി ലക്ഷണങ്ങളോടെ ഒട്ടനവധി താറാവുകളാണ് ചത്തത്.