വിഷുദിനത്തിൽ എന്തെങ്കിലുമൊക്കെയൊന്ന് പുതിയതായി ചെയ്യണമെന്ന് വിചാരിച്ച് ഉദിച്ച ആശയം വിജയമായിരിക്കുകയാണിവിടെ. വെറെ ആരുടെയുമല്ല കൺസെപ്റ്റ് ഫോട്ടോഗ്രാഫറായ അരുൺരാജിന്റെയാണത്. വിഷുവിന് പുത്തൻ പരീക്ഷണം വഴി സോഷ്യൽ മീഡിയയിൽ വീണ്ടും വൈറൽ ആയിരിക്കുകയാണ് അരുൺരാജ്.
വ്യത്യസ്തമായി ചെയ്യണം എന്നുള്ള ചിന്തയിലാണ് ഈ പുതുപുത്തൻ ആശയം ഉടലെടുക്കുന്നത്.
വിഷു ദിവസം തൻ്റെ ഭക്തയെ കാണാൻ രാധയുമായി എത്തുന്ന കൃഷ്ണനെ നമ്മൾ ചിത്രകഥകളിൽ പോലും വായിച്ചിട്ടുണ്ടാകില്ല അല്ലേ?. എന്നാൽ അങ്ങനെയൊരു പുത്തൻ പരീക്ഷണമാണ് ഇവിടെ ഇദ്ദേഹം നടത്തിയത്. അത് വിജയിക്കുകയും ചെയ്തു. കൃഷ്ണ ഭക്തയായ ഒരു പെൺകുട്ടി ജീവിതത്തിൽ നേരിടുന്ന പ്രശ്നങ്ങളും അവൾക്ക് അടിയറവ് വെയ്ക്കേണ്ടി വന്ന അവളുടെ ആഗ്രഹങ്ങൾക്കുമിടയിൽ വലിയൊരു സന്തോഷമായി രാധയോടൊപ്പം അവൾക്കുമുന്നിൽ പ്രത്യക്ഷപ്പെടുന്ന ഭഗവാൻ കൃഷ്ണനെയാണ് അരുൺ ഈ ചിത്ര കഥയിലൂടെ നമുക്ക് മുന്നിൽ അവതരിപ്പിച്ചിരിക്കുന്നത്.
പക്ഷേ, ഇത് ഇത്രയധികം പ്രേക്ഷക ശ്രദ്ധ നേടി തരുന്നമെന്നോ എന്നൊന്നും ചിന്തിച്ചിരുന്നില്ല എന്നാണ് അരുൺ പറഞ്ഞത്. സത്യഭാമ, ശരത്, ഷിജി, ദേവ, മഹിമ, എന്നിവരാണ് പ്രധാന കഥാപാത്രങ്ങളായി ഇതിൽ അഭിനയിച്ചിരിക്കുന്നത്. നല്ലൊരു മനസാണ് ഏറ്റവും നല്ല ഭക്തരുടെ ലക്ഷണം എന്നുകൂടി ഓർമ്മിപ്പിക്കുന്ന ചിത്രങ്ങളാണ് അരുൺരാജ് ഈ പ്രാവശ്യം സമ്മാനിച്ചത്. വിഷുവിനു കൃഷണനോടൊപ്പം വന്ന രാധ പ്രേക്ഷകർക്ക് നല്ല ഒന്നാന്തരം മധുര സമ്മാനമാണ് നല്കിയത്.