ഇടുക്കി നെടുങ്കണ്ടത്ത് ജപ്തിക്കിടെ ആത്മഹത്യാശ്രമം നടത്തി വീട്ടമ്മ. ജപ്തി നടപടിക്കിടെ വീട്ടമ്മ ദേഹത്ത് പെട്രോള് ഒഴിച്ച് തീകൊളുത്തുകയായിരുന്നു.
ആശാരിക്കണ്ടം സ്വദേശിയായ ഷീബ ദിലീപാണ് ദേഹത്ത് പെട്രോള് ഒഴിച്ച് തീകൊളുത്താൻ ശ്രമിച്ചത്. ഇവരെ ആശുപത്രിയില് പ്രവേശിപ്പിച്ചു. സംഭവത്തിൽ വീട്ടമ്മയെ രക്ഷിക്കാനെത്തിയ എസ്ഐക്കും വനിതാ പൊലീസിനും പൊള്ളലേറ്റിട്ടുണ്ട്.