നഴ്‌സറി കുട്ടികളെ സ്‌കൂൾ ശുചീകരണത്തൊഴിലാളി പീഡിപ്പിച്ചതിൽ സർക്കാർ അനാസ്‌ഥ ആരോപിച്ച് കോൺഗ്രസ് ഉൾപ്പെട്ട പ്രതിപക്ഷ സഖ്യം ഈ മാസം 24ന് മഹാരാഷ്ട്ര ബന്ദ് പ്രഖ്യാപിച്ചു.
സംസ്ഥാന വ്യാപകമായി പ്രതിഷേധം തുടരുന്നതിനിടെ, സംഭവം നടന്ന ബദാപുർ മേഖലയിൽ ഇന്നലെയും ഇൻ്റർനെറ്റിന് നിയന്ത്രണമേർപ്പെടുത്തി.
ബദാപുർ ആദർശ് വിദ്യാമന്ദിറിൽ സ്‌കൂളിലെ ശുചിമുറിയിൽ കുട്ടികളെ ഉപദ്രവിച്ച പ്രതിയെ അറസ്‌റ്റ് ചെയ്തെങ്കിലും മാനേജ്മെൻ്റും പൊലീസും ഒത്തുകളിച്ചെന്ന് ആരോപിച്ച് നാട്ടുകാർ സ്‌കൂൾ തകർത്തിരുന്നു.