ലോക്സഭാ തെരഞ്ഞെടുപ്പ് – 2 സീറ്റുകളിൽ ബിഡിജെഎസ് സ്ഥാനാർത്ഥികളെ പ്രഖ്യാപിച്ചു.
മാവേലിക്കര – ബൈജു കലാശാല ചാലക്കുടി – കെ. എ ഉണ്ണി കൃഷ്ണൻ
എന്നിവരാണ് മത്സരിക്കുക.
കോട്ടയത്ത് നടന്ന വാർത്താ സമ്മേളനത്തിൽ ബി.ഡി.ജെ.എസ് സംസ്ഥാന പ്രസിഡൻ്റ്
തുഷാർ വെള്ളാപ്പള്ളിയാണ് സ്ഥാനാർത്ഥികളെ പ്രഖ്യാപിച്ചത്.
ഇന്നലെ ചേർന്ന സംസ്ഥാന എക്സിക്യൂട്ടീവാണ് രണ്ട് മണ്ഡലങ്ങളിലെ സ്ഥാനാർത്ഥികളെ തീരുമാനിച്ചു കൊണ്ട് അംഗീകാരം നൽകിയത്.
ഇടുക്കി, കോട്ടയം മണ്ഡലങ്ങളിലെ സ്ഥാനാർത്ഥികളെ രണ്ട് ദിവസത്തിനുള്ളിൽ പ്രഖ്യാപിക്കും.
ഈ സീറ്റുകളിൽ സ്ഥാനാർത്ഥി ആരാണെന്നുള്ളതിൽ അന്തിമ തീരുമാനമായിട്ടില്ല എന്നും സംസ്ഥാന പ്രസിഡൻ്റ് പറഞ്ഞു.
എന്നാൽ കോട്ടയത്ത് താൻ തന്നെ മത്സരിക്കുവാൻ സാധ്യതയുണ്ടെന്നും അദ്ദേഹം ഒരു ചോദ്യത്തിന് മറുപടിയായി പറഞ്ഞു.
മതമേലക്ഷന്മാർ ഉൾപ്പെടെയുള്ളവരെ കൂടി കണ്ട ശേഷമായിരിക്കും ഈ മണ്ഡലങ്ങളിലെ സ്ഥാനാർത്ഥികളെ പ്രഖ്യാപിക്കുക.
പിസി ജോർജിന്റെ പരാമർശങ്ങൾ ഒന്നും തന്റെ വിഷയമല്ല എന്നും തുഷാർ വെള്ളാപ്പള്ളി പറഞ്ഞു.