ഭയവിഹ്വലയായ അവളുടെ മുഖം കാഴ്ചയ്ക്ക് അസഹ്യമായിരുന്നു.
പേടിച്ചു നിലവിളിച്ചുകൊണ്ടിരുന്ന അവളുടെ വായ്, മുഖത്തു അഴുക്കേറിയ ഒരു കുഴിയെന്നപോലെ തോന്നിച്ചു.
ആലിലപോലെ, ഭയംകൊണ്ടു നടുങ്ങിയിരുന്നു അവൾ, ചുമരിൽ ഒട്ടിച്ചേർന്നു ജനാലയ്ക്കരികിലേക്കു നീങ്ങിക്കൊണ്ടിരുന്നു.
പരിഭ്രമം എത്രമാത്രമുണ്ടന്നു അറിയിക്കാനെന്നപോലെ, അവൾ നഖങ്ങൾകൊണ്ടു ജനാലക്കമ്പികളിൽ പോറുമ്പോഴുണ്ടായ ശബ്ദം മുറിയിൽ അരോചകമാം വണ്ണം മുഴങ്ങിക്കൊണ്ടിരുന്നു.
അതിഭീകരമോ അഥവാ അതിദരുണമോ ആയ ഏതോ ഒരു സംഭവത്തിനു സാക്ഷ്യം വഹിച്ചുകൊണ്ടു സംഭവസ്ഥലത്തുനിന്നു ഓടി വന്നതുപോലെയായിരുന്നു, അതിനകത്തെത്തിയ ആഗതന്റെ നില.
സുമാർ ഇരുപത്തിനാലു വയസ്സു പ്രായം തോന്നിച്ചിരുന്ന അവന്റെ മുഖത്തിന്, തണുത്തുറഞ്ഞ മാംസക്കൊഴുപ്പിന്റെ നിറമായിരുന്നു.
നീണ്ടു കറുത്ത മുടി മഴ നനഞ്ഞിരുന്നതിനാൽ തലയിൽ ഒട്ടിക്കിടന്നിരുന്നുവെന്നു മാത്രമല്ല, അവയിൽ കുറേ ഇരുവശങ്ങളിലും മുഖത്തേക്കുമായി തൂങ്ങിക്കിടക്കുകയും ചെയ്തിരുന്നു.
ഏതോ ഒരു ഭീകര സംഭവത്തിനു സാക്ഷ്യം വഹിച്ചിരുന്നുവെന്ന് ആ കണ്ണുകളായിരുന്നു തെളിയിച്ചിരുന്നത്.
കണ്ണിനകത്തെ സാധാരണയിലേറെ വലുപ്പം തോന്നിച്ചിരുന്ന കൃഷ്ണമണികൾ കണ്ടപ്പോൾ എനിക്കുതന്നെ ഭയം തോന്നി.
നിണമണിഞ്ഞ നിഴലുകൾ
ജയിംസ് ഹാഡ് ലി ചേസ്സിൻ്റെ നോവൽ
വിവർത്തനം – കെ കെ ഭാസ്കരൻ പയ്യന്നൂർ
ബുക്ക് വാങ്ങാൻ സന്ദർശിക്കുക www.donbooksindia.com
വിളിക്കൂ 9447573052