വര്ഗസമരം വലിച്ചെറിഞ്ഞ് സിപിഐഎം സംഘപരിവാറിനെപ്പോലെ വര്ഗീയതയെ പ്രോത്സാഹിപ്പിക്കുന്നതിനാലാണ് കേരളത്തില് ക്രിസ്മസ് ആഘോഷം തടസ്സപ്പെടുത്താന് ഉത്തരേന്ത്യയിലേതിന് സമാനമായി വി.എച്ച്.പി,ബജ്രരംഗ്ദളിനെ പോലുള്ള സംഘടനകള്ക്ക് ധൈര്യം വന്നതെന്ന് കെപിസിസി പ്രസിഡന്റ് കെ.സുധാകരന് എംപി.രാജ്യത്ത് ക്രൈസ്തവരെ വ്യാപകമായി ഭീഷണിപ്പെടുത്തുകയും അക്രമിക്കുകയും ചെയ്യുന്നത് സംഘപരിവാറുകാരാണ്. ഇന്ത്യയില് ക്രൈസ്തവര്ക്കെതിരെ 600ല്പ്പരം അക്രമങ്ങളാണ് കഴിഞ്ഞ വര്ഷം റിപ്പോര്ട്ട് ചെയ്തത്. ഇവയില് കൂടുതലും ബിജെപി ഭരിക്കുന്ന സംസ്ഥാനങ്ങളിലാണ്. ഇപ്പോള് ബിജെപിയുമായി നല്ല ബന്ധം പുലര്ത്തുന്ന സിപിഐഎം ഭരിക്കുന്ന കേരളത്തിലും ക്രൈസ്തവര്ക്കെതിരായ ഭീഷണി ഉയരുകയാണ്.പാലക്കാട്ടെ നല്ലേപ്പിള്ളി സര്ക്കാര് യുപി സ്കൂളിൽ അധ്യാപകരെയും കുട്ടികളെയും ഭീഷണിപ്പെടുത്തിയും തത്തമംഗലം ജി.ബി.യുപി സ്കൂളില് പുല്ക്കൂട് തകര്ത്തും ക്രിസ്തുവിന്റെ തിരുപിറന്നാള് ആഘോഷം അലങ്കോലപ്പെടുത്തിയത് സംഘപരിവാര് സംഘടനാ നേതാക്കളാണ്. ക്രിസ്മസ് ആഘോഷം തടഞ്ഞ നടപടി കേരളത്തിന്റെ മതനിരപേക്ഷതയ്ക്ക് കളങ്കമാണ്.അപലപനീയവും പ്രതിഷേധാര്ഹവുമായ ഇത്തരം ഹീനപ്രവണതകള് ഒരിക്കലും അനുവദിക്കാന് കഴിയില്ലെന്നും കെ.സുധാകരന് പറഞ്ഞു.