കെ. കരുണാകരന് ഇനിയൊരു ചീത്തപ്പേര് ഉണ്ടാക്കില്ലെന്നും തൃശൂരിലെ തോല്‍വി ചർച്ച ചെയ്യേണ്ട എന്ന് കരുതിയാണ് വയനാട് ക്യാമ്ബില്‍ പങ്കെടുക്കാതിരുന്നതെന്നും മുരളീധരൻ പറഞ്ഞു.
ടി.എൻ. പ്രതാപനും ഷാനി മോള്‍ ഉസ്മാനും വയനാട് ക്യാമ്ബില്‍ തനിക്കെതിരെ വിമർശനം ഉന്നയിച്ചുവെന്ന റിപ്പോർട്ടുകളും മുരളീധരൻ തള്ളി. അവർ തന്നെ ഇക്കാര്യം തന്നെ അറിയിച്ചിട്ടുണ്ട്. വയനാട് ഉപതെരഞ്ഞെടുപ്പ് പ്രഖ്യാപിച്ചാല്‍ സജീവമായി രംഗത്തുണ്ടാകും.
തദ്ദേശ തെരഞ്ഞെടുപ്പില്‍ മുതിർന്ന നേതാക്കള്‍ക്ക് ചുമതല നല്‍കിയത് സ്വാഗതാർഹമാണ്. കെ. സുധാകരന് കണ്ണൂരും ചെന്നിത്തലക്ക് കോഴിക്കോടുമാണ് നല്‍കിയിരിക്കുന്നത്. ഓരോയിടത്തും നേതാക്കള്‍ കേന്ദ്രീകരിച്ച് പ്രവർത്തിക്കണം. ഓടിനടന്ന് പ്രസംഗിച്ചാലൊന്നും പാർട്ടി നന്നാവില്ല. തനിക്ക് വോട്ടുള്ള തിരുവനന്തപുരത്ത് പി.സി. വിഷ്ണുനാഥിനെ സഹായിക്കുമെന്നും മുരളീധരൻ വ്യക്തമാക്കി.