മുഖ്യമന്ത്രിയും പോറ്റിയും ഒരുമിച്ചുള്ള ഫോട്ടോ പങ്കുവെച്ചതിന് കോൺഗ്രസ് നേതാവിനെ പോലീസ് കസ്റ്റഡിയിലെടുത്തു. കെ.പി.സി.സി. രാഷ്ട്രീയ കാര്യ സമിതി അംഗം എൻ. സുബ്രഹ്മണ്യനെയാണ് കോഴിക്കോട്ടെ വസതിയിൽ എത്തി ചേവായൂർ പോലീസ് കസ്റ്റഡിയിലെടുത്തത്.ശബരിമല സ്വർണ്ണ കൊള്ള കേസിലെ പ്രതി ഉണ്ണികൃഷ്ണൻ പോറ്റിക്കൊപ്പമുള്ള മുഖ്യമന്ത്രി നിൽക്കുന്ന ഫോട്ടോ എൻ സുബ്രഹ്മണ്യൻ സോഷ്യൽ മീഡിയ വഴി പങ്കു വെച്ചിരുന്നു. ഇത് എഐ. നിർമ്മിത ഫോട്ടോയാണെന്നും മന:പൂർവം കലാപം സൃഷ്ടിക്കാനാണ് സുബ്രഹ്മണ്യൻ ശ്രമിച്ചത് എന്നും ആരോപിച്ചാണ് പോലീസ് കേസെടുത്തത്.