കൊല്ലം നഗരസഭ ചെയര്മാന് സ്ഥാനം സിപിഐഎം വിട്ടുനില്ക്കാത്തതില് പ്രതിഷേധിച്ച് ഡെപ്യൂട്ടി മേയര് അടക്കം 2 സി പി ഐ അംഗങ്ങള് രാജിവെച്ചു. പാര്ട്ടി തീരുമാനപ്രകാരമാണ് രാജിയെന്ന് സി പി ഐ വിശദീകരിച്ചു. അടുത്ത തിങ്കളാഴ്ച മാത്രമേ രാജിവെക്കുവെന്ന് മേയര് പ്രസന്ന ഏണസ്റ്റ് അറിയിച്ചു.വൈകുന്നേരം 5 ന് മുന്പ് സിപിഐഎം മേയര് രാജിവെക്കണമെന്ന അന്ത്യശാസനമാണ് സി പി ഐ നല്കിയത്. ഇല്ലെങ്കില് സ്റ്റാന്റിംഗ് ചെയര്മാന് സ്ഥാനങ്ങള് സിപിഐ രാജിവെക്കുമെന്നായിരുന്നു നിലപാട്. പക്ഷേ മേയറുടെ രാജി ഉണ്ടാകാതെ വന്നതോടെയാണ് ഡെപ്യൂട്ടി മേയര് സ്ഥാനമടക്കമുള്ള സ്റ്റാന്റിംഗ് ചെയര്മാന് സ്ഥാനങ്ങള് സിപി ഐ രാജിവെച്ചത്