താരൻ ഉണ്ടാകുന്നതിന് പിന്നിൽ പല കാരണങ്ങളുണ്ട്. തലയിൽ അഴുക്ക് അടിയുന്നതാണ് പ്രധാനപ്പെട്ട കാരണം.
താരൻ അകറ്റാൻ എപ്പോഴും പ്രകൃതിദത്ത മാർഗങ്ങൾ പരീക്ഷിക്കുന്നതാണ് കൂടുതൽ നല്ലത്. മുടി സംരക്ഷണ ദിനചര്യയിൽ നിർബന്ധമായും ഉൾപ്പെടുത്തേണ്ട ചേരുവകയാണ് കറ്റാർവാഴ ജെൽ.
മുടി തഴച്ച് വളരാനും താരനകറ്റുന്നതിന് കറ്റാർവാഴ പതിവായി ഉപയോഗിക്കാവുന്നതാണ്. സെബം മെഴുക് പോലെയുള്ള എണ്ണയാണ്.
ഇത് മുടിയെയും തലയോട്ടിയെയും കേടുപാടുകളിൽ നിന്ന് സംരക്ഷിക്കുകയും ചെയ്യുന്നു. ഇത് ചർമ്മത്തിനും മുടിക്കും നല്ലതാണെങ്കിലും സെബം അമിതമായി ഉൽപ്പാദിപ്പിക്കപ്പെടുന്നത് തലയോട്ടിയിൽ സ്വാഭാവികമായി ഉണ്ടാകുന്ന മലസീസിയ ഗ്ലോബോസ എന്ന ഫംഗസിലേക്ക് നയിച്ചേക്കാം. ഇത് ചൊറിച്ചിൽ, ചുവപ്പ്, താരൻ എന്നിവയ്ക്ക് കാരണമാകും.
താരൻ അകറ്റാൻ കറ്റാർവാഴ ഉപയോഗിക്കേണ്ട വിധം ഏതൊക്കെയെന്ന് നോക്കാം.
രണ്ട് ടീസ്പൂൺ കറ്റാർവാഴ ജെല്ലും രണ്ട് ടീസ്പൂൺ വെളിച്ചെണ്ണയും നന്നായി യോജിപ്പിച്ച് തലയിൽ മസാജ് ചെയ്യുക. 15 മിനുട്ട് കഴിഞ്ഞ് ഷാംപൂ ഉപയോഗിച്ച് തല കഴുകുക. ആഴ്ചയിൽ രണ്ട് തവണ ഇത് ചെയ്യാവുന്നതാണ്.
രണ്ട് ടീസ്പൂൺ നാരങ്ങ നീരും ഒരു ടീസ്പൂൺ കറ്റാർവാഴ ജെല്ലും നന്നായി യോജിപ്പിച്ച് തലയിൽ പുരട്ടുക. 15 മിനുട്ട് കഴിഞ്ഞ് ഷാംപൂ ഉപയോഗിച്ച് തല കഴുകുക. നാരങ്ങയിൽ അടങ്ങിയിരിക്കുന്ന വിറ്റാമിൻ സി തലയോട്ടിയെ നന്നായി ശുദ്ധീകരിക്കുകയും ജലാംശം നൽകുകയും ചെയ്യും.
രണ്ട് ടീസ്പൂൺ കറ്റാർവാഴ ജെല്ലും ഒരു ടേബിൽ സ്പൂൺ ഒലീവ് ഓയിലും ഒരു കപ്പ് തെെരും നന്നായി യോജിപ്പിച്ച് തലയിൽ ഇടുക. ഈ പാക്ക് താരനകറ്റാൻ സഹായിക്കുന്നു. ലാക്റ്റിക് ആസിഡ്, പ്രോബയോട്ടിക്സ് എന്നിവ തെെരിൽ അടങ്ങിയിരിക്കുന്നു.