ശബരിമല – മാളികപ്പുറം ക്ഷേത്രത്തിലെ മേൽശാന്തിമാരെ നറുക്കെടുക്കുന്നതിന് ഇത്തവണ പന്തളം കൊട്ടാരത്തിൽ നിന്ന് ദേവനന്ദൻ അർജുൻനനേയും, അനശ്വര എം. രഞ്ജിത്ത്നേയും പന്തളം കൊട്ടാരം വലിയ തമ്പുരാൻ തിരുവോണം നാൾ രാമവർമ്മ രാജ ചുമതലപ്പെടുത്തി.പന്തളം നാലുകെട്ട് കൊട്ടാരത്തിലെ അർജുൻ.വി യുടെയും കോട്ടയം കാരാപ്പുഴ ഇളയകോവിലകത്തെ ശർമ്മദ ആർ.വർമ്മയുടെയും മകനായ ദേവനന്ദൻ അർജുൻ ശബരിമല മേൽശാന്തിയെ നറുക്കെടുക്കും.തൃപ്പൂണിത്തുറ എസ്.എൻ.വി.പി. സ്കൂളിലെ രണ്ടാം ക്ലാസ് വിദ്യാർത്ഥിയാണ്.പന്തളം ശ്രാമ്പിക്കൽ കോട്ടാരത്തിൽ മുൻ രാജ പ്രതിനിധി പരേതനായ ആർ കേരള വർമ്മ രാജയുടെ മകൾ മൈഥിലിരാജ രഞ്ജിത്ത് രാജൻ ദമ്പതികളുടെ മകൾ ഭവൻസ് വിദ്യാ മന്ദിർ നാലാം ക്ലാസ് അനശ്വര എം. രഞ്ജിത്ത് മാളികപ്പുറം മേൽശാന്തിയെയും നറുക്കെടുക്കും.പന്തളം കൊട്ടാരം വലിയ തമ്പുരാന്റെയും വലിയ തമ്പുരാട്ടിയുടെയും അനുഗ്രഹം വാങ്ങി ഒക്ടോബർ 17ന് രാവിലെ തിരുവാഭരണ മാളികയുടെ മുൻപിൽ വെച്ച് കെട്ട് നിറച്ച് വലിയ കോയിക്കൽ ക്ഷേത്രത്തിൽ ദർശനത്തിനുശേഷം 12 മണിക്ക് രക്ഷിതാക്കളുടെയും സംഘം പ്രതിനിധികളായ കേരള വർമ്മ , മനോജ് വർമ്മ എന്നിവരോടൊപ്പം സന്നിധാനത്തേക്ക് യാത്ര തിരിക്കും.