12 രാജ്യങ്ങളിൽ നിന്നുള്ള പൗരന്മാർ അമേരിക്കയിലെത്തുന്നത് വിലക്കി പ്രസിഡന്റ് ഡോണൾഡ് ട്രംപ്. ഏഴു രാജ്യങ്ങളിൽ നിന്നുള്ളവർക്ക് ഭാഗിക വിലക്കും ഏർപ്പെടുത്തിയിട്ടുണ്ട്. ദേശീയ സുരക്ഷയ്ക്കും പൊതു സുരക്ഷാ ഭീഷണികൾക്കും കാരണമായേക്കാവുന്ന രാജ്യങ്ങളെയാണ് നിരോധിച്ചതെന്ന് വൈറ്റ് ഹൗസ് അറിയിച്ചു.അഫ്ഗാനിസ്ഥഥാൻ, മ്യാൻമർ, ഇറാൻ, തുടങ്ങി 12 രാജ്യങ്ങളിലെ പൗരന്മാരെയാണ് അമേരിക്കയിലേക്ക് യാത്ര ചെയ്യുന്നതിൽ നിന്നും വിലക്കി അമേരിക്കൻ പ്രസിഡന്റ് ഡോണൾഡ് ട്രംപ് ഉത്തരവിൽ ഒപ്പു വെച്ചത്. തിങ്കളാഴ്‌ച മുതൽ വിലക്ക് പ്രാബല്യത്തിൽ വരും. ക്യൂബ, വെനേസ്വല അടക്കം ഏഴു രാജ്യങ്ങൾക്ക് ഭാഗികമായും വിലക്ക് ഏർപ്പെടുത്തി. യുഎസിലെ കുടിയേറ്റസംവിധാനങ്ങളുമായുള്ള നിസഹകരണം, തീവ്രവാദബന്ധം, നീരീക്ഷണ സംവിധാനങ്ങളുടെ അപര്യാപ്‌തത എന്നിവ ചൂണ്ടിക്കാട്ടിയാണ് പുതിയ ഉത്തരവ്. അതേസമയം, ട്രംപിന്റെ ഈ അപ്രതീക്ഷിത നടപടിക്കെതിരെ സമൂഹ മാധ്യമങ്ങളിൽ ഉൾപ്പെടെ വലിയ പ്രതിഷേധമാണ് ഉയരുന്നത്.