തൈക്കാട് ഗവ. മോഡല് എച്ച്എസ്എല്പി സ്കൂളിലെ തോട്ടത്തില് നിന്ന് പച്ചക്കറി മോഷണം പോയതായുള്ള കുഞ്ഞുങ്ങളുടെ പരാതി ശ്രദ്ധയില്പ്പെട്ടെന്ന് വിദ്യാഭ്യാസ മന്ത്രി വി ശിവന്കുട്ടി. വിഷയത്തില് പൊലീസ് അന്വേഷണം ആരംഭിച്ചു. വിദ്യാഭ്യാസ വകുപ്പ് അധികൃതരോടും കാര്യങ്ങള് അന്വേഷിച്ചറിയാന് നിർദേശം നല്കിയിട്ടുണ്ട്. ‘എന്റെ പ്രിയപ്പെട്ട കുഞ്ഞുങ്ങള് വിഷമിക്കേണ്ട എന്നാണ് എനിക്ക് പറയാനുള്ളത്. നിങ്ങളോടൊപ്പം ഞാനുമുണ്ട്’- മന്ത്രി അറിയിച്ചു. കുട്ടികള് അയച്ച കത്ത് ഫേസ്ബുക്കില് പങ്കുവച്ചുകൊണ്ടാണ് നടപടിയെടുത്തതായി മന്ത്രി അറിയിച്ചത്