കോവിഡ് കാലത്താണല്ലോ ‘വർക്ക് ഫ്രം ഹോം’ തുടങ്ങിയത്. ലോകം ഏകദേശം സാധാരണ ഗതിയിലായതോടെ ജീവനക്കാർ ഓഫീസുകളിൽ എത്തി ജോലി ചെയ്യാൻ കമ്പനി ആവശ്യപ്പെട്ടു തുടങ്ങിയിരിക്കുന്നു. പക്ഷെ വർക്ക് ഫ്രം ഹോം ശീലിച്ച ജോലിക്കാർ തങ്ങൾക്ക് ലഭിച്ച സ്വാതന്ത്ര്യവും ഫ്രീടൈമും അതിൻ്റെ ഊഷ്മളതയും കൈവെടിയാൻ ഒരുക്കമേ അല്ല.
അടുത്തിടെ ഒരു കമ്പനി ജോലി ചെയ്യാൻ തിരിച്ച് ഓഫീസിലേക്ക് വിളിച്ചപ്പോൾ ഒരാൾ പ്രതികരിച്ചത് എങ്ങനെയെന്നോ? ആ ജീവനക്കാരൻ്റെ റെഡ്ഡിറ്റ് പോസ്റ്റ് വൈറലായി. ‘എന്നെ വർക്ക് ഫ്രം ഹോം ചെയ്യാൻ അനുവദിക്കുന്നില്ല.ഞാനെൻ്റെ ഇ-മെയിൽ ഡിലീറ്റ് ചെയ്തു. ടീം സമ്പർക്കവും വേണ്ടെന്നു വെച്ചു. എന്നെ ഇന്നലെ രാത്രി ബോസ് ഫോണിൽ വിളിക്കാൻ ശ്രമിച്ചു. പക്ഷെ എന്നെ കിട്ടിയില്ല. ഓഫീസ് സമയം കഴിഞ്ഞാൽ എന്നെ കോൺടാക്റ്റ് ചെയ്യാൻ പറ്റില്ല.’
പലരും ജീവനക്കാരനെ അനുകൂലിച്ച് കമൻ്റ് ഇട്ടു. ശരിയായ നടപടിയെന്ന് അഭിനന്ദിച്ചു. വർക്ക് ഫ്രം ഹോം തന്നെയാണ് നല്ല ഓപ്ഷൻ എന്ന് ചിലർ പറയുന്നു. കാരണം ഇതിലൂടെ സമയവും പണവും ലാഭകരമായി വിനിയോഗിക്കാം.