അറബിക്കടലിലും ബംഗാൾ ഉൾക്കടലിലും ഇരട്ട ന്യൂനമർദ്ദം രൂപപ്പെട്ടിരിക്കുകയാണ്.
ശക്തമായ മഴയാണ് സംസ്ഥാനത്ത് ഇപ്പോൾ പെയ്തുകൊണ്ടിരിക്കുന്നത്.
ഈ സാഹചര്യത്തിലാണ് ഇരട്ട ന്യൂനമർദ്ദം രൂപപ്പെട്ടിരിക്കുന്നത്.
തെക്ക് കിഴക്കൻ അറബിക്കടലിൽ രൂപപ്പെട്ട ന്യൂനമർദ്ദത്തിന്റെ ഫലമായി കേരളത്തിൽ മഴ ശക്തമാകുകയാണ്.
ബംഗാൾ ഉൾക്കടലിലെ ന്യൂനമർദ്ദം ശക്തി കൂടിയ ന്യൂനമർദമായി മാറി.
ഇത് ചുഴലിക്കാറ്റായി മാറാൻ സാധ്യതയുണ്ടെന്നാണ് കാലാവസ്ഥാ വിഭാഗം വിലയിരുത്തൽ.
എന്തായാലും മഴ ശക്തമായി തുടരുന്ന ഈ സാഹചര്യത്തിൽ അതീവ ജാഗ്രത വേണം.
കേരളത്തിൽ പല ജില്ലകളിലും മഴയ്ക്കുള്ള ജാഗ്രത തുടരുകയാണ്.