ചാലക്കുടി നോർത്ത് ജംക്ഷനിൽ പെയിന്റ് കടയ്ക്കു തീപിടിച്ചു. ഊക്കൻസ് പെയ്ന്റ് ആൻഡ് ഹാർഡ്വെയർ കടയ്ക്കാണു തീപിടിച്ചത്.പെയിന്റ് സൂക്ഷിച്ച ഭാഗത്തുനിന്നാണു തീ പടർന്നതെന്നാണു വിവരം.രാവിലെ എട്ടരയോടെയാണു സംഭവം. ആളപായമില്ല. കടയിൽ നിന്നും നീക്കാവുന്നയത്ര പെയിൻ്റ് ക്യാനുകൾ നാട്ടുകാർ ചേർന്ന് നീക്കി.മൂന്നുനില കെട്ടിടത്തിൽ ഗ്യാസ് ഏജൻസി, പ്ലൈവുഡ്, കർട്ടൻ എന്നിവയുമായി ബന്ധപ്പെട്ട് കടകളുമുണ്ട്.അഗ്നിശമന സേനയും മറ്റും സ്ഥലത്തെത്തി തീയണയ്ക്കാനുള്ള ശ്രമം ആരംഭിച്ചു.