സംസ്ഥാന സ്കൂള് കലോത്സവത്തില്‍ പുതുതായി അഞ്ച് ഗോത്ര നൃത്ത രൂപങ്ങള്‍ കൂടി ഉള്‍പ്പെടുത്തി.ഇതുസംബന്ധിച്ച്‌പൊതു വിദ്യാഭ്യാസ വകുപ്പ് ഉത്തരവ് പുറപ്പെടുവിച്ചു.
മംഗലംകളി, പണിയ നൃത്തം, മലപുലയ ആട്ടം, ഇരുള നൃത്തം, പളിയ നൃത്തം എന്നീ 5 കലാരൂപങ്ങളാണ് പുതുതായി ഉള്‍പ്പെടുത്തിയത്. ഈ മത്സരങ്ങള്‍ കൂടി ഉള്‍പ്പെടുത്തി സ്കൂള്‍തലം മുതലുള്ള കലോത്സവം നടത്തണമെന്നാണ് ഉത്തരവില്‍ പറയുന്നത്. 2024 – 25 അധ്യായന വർഷത്തെ സ്കൂള് കലോത്സവം 2025 ജനുവരി ആദ്യ വാരം തിരുവനന്തപുരത്താകും നടക്കുക.
നേരത്തെ ഡിസംബർ മൂന്നു മുതല്‍ ഏഴു വരെ നടത്താനായിരുന്നു തീരുമാനിച്ചിരുന്നത്. നാഷനല്‍ അച്ചീവ്മെന്റ് എക്സാം ഡിസംബർ നാലിന് നടക്കുന്ന സാഹചര്യത്തിലാണ് തീയതി മാറ്റിയത്. സ്‌കൂള്‍തല മത്സരങ്ങള്‍ ഒക്ടോബർ 15നകവും ഉപജില്ലാതല മത്സരങ്ങള്‍ നവംബർ 10നകവും ജില്ലാതല മത്സരങ്ങള്‍ ഡിസംബർ 3നകവും പൂർത്തിയാക്കും.