കിഫ്ബി ടോള്‍ പിരിവില്‍ നിലപാട് മാറ്റി മുൻ ധനമന്ത്രിയും സിപിഎം നേതാവുമായ തോമസ് ഐസക്. ടോള്‍ ഇല്ലാതെ ഇനി കിഫ്ബിക്ക് മുന്നോട്ടുപോകാനാവില്ലെന്ന് ഐസക് പറഞ്ഞു. കേന്ദ്രനയം നേരിടാൻ ടോള്‍ പിരിക്കേണ്ടി വരും. ടോളിന് ബദല്‍ ഉണ്ടെങ്കില്‍ പ്രതിപക്ഷം പറയട്ടെയെന്നും അദ്ദേഹം കൂട്ടിച്ചേർത്തു.
കിഫ്ബി റോഡുകള്‍ക്ക് ടോള്‍ പിരിക്കില്ലെന്നായിരുന്നു ഐസക് നേരത്തേ നിയമസഭയില്‍ പറഞ്ഞത്. 2019 ജൂണിലാണ് നിയമസഭയില്‍ പ്രതിപക്ഷ എംഎല്‍എമാരുടെ ചോദ്യത്തിന് അന്നത്തെ ധനമന്ത്രി തോമസ് ഐസക്, കിഫ്ബി പദ്ധതികളില്‍ നിന്ന് ടോളോ യൂസര്‍ ഫീയോ പിരിക്കില്ലെന്ന് വിശദീകരിച്ചത്