സിനിമ സമരം ഒഴിവാക്കാന് സര്ക്കാര് ഇടപെടല്. സിനിമ സംഘടനകളുമായി സര്ക്കാര് ചര്ച്ച നടത്തും. മന്ത്രി സജി ചെറിയാന് സംഘടന നേതാക്കളുമായി സംസാരിച്ചു. പ്രധാന ആവശ്യങ്ങള് സര്ക്കാരിന് മുന്നില് സമര്പ്പിക്കാന് നിര്ദേശം നല്കി. സമരത്തിനിറങ്ങുന്ന സിനിമ സംഘടനകളുടെ യോഗം നാളെ കൊച്ചിയില് നടക്കും. സര്ക്കാരിന് സമര്പ്പിക്കേണ്ട ആവശ്യങ്ങള് യോഗം ചര്ച്ച ചെയ്യും. ചേമ്പര് വിളിച്ചു ചേര്ത്ത സിനിമാ സംഘടനകളുടെ യോഗം നാളെ ചേരും. സിനിമ സമരത്തെ എതിര്ത്തും അനുകൂലിച്ചും വിവിധ സിനിമാ സംഘടനകള് രംഗത്ത് എത്തിയിരുന്നു.
സമരത്തിന് യാതൊരുവിധ പിന്തുണയും അമ്മ സംഘടനയുടെ ഭാഗത്തുനിന്നും ഉണ്ടാവില്ലെന്ന് അമ്മ അംഗങ്ങളുടെ പ്രത്യേക യോഗം തീരുമാനമെടുത്തിരുന്നു. മലയാള സിനിമയുടെ ഉന്നമനം ലക്ഷ്യമാക്കി ചലച്ചിത്രരംഗത്ത് പ്രവര്ത്തിക്കുന്ന ഏതു സംഘടനയ്ക്കും അമ്മ സംഘടന ചര്ച്ചയ്ക്ക് തയ്യാറാണെന്ന് അറിയിച്ചിരുന്നു.
ജി.എസ്.ടിക്ക് ഒപ്പമുള്ള വിനോദ നികുതി പിന്വലിക്കുക, താരങ്ങളുടെ വലിയ പ്രതിഫലം വെട്ടിക്കുറയ്ക്കുക എന്നീ ആവശ്യങ്ങള് ഉന്നയിച്ചാണ് സമരം നടത്താന് തീരുമാനിച്ചത്. ജൂണ് ഒന്നുമുതല് സംസ്ഥാനത്തെ എല്ലാ സിനിമ പ്രവര്ത്തനങ്ങളും നിര്ത്തിവെക്കുന്ന രീതിയിലാണ് സമരം. സിനിമയിലെ എല്ലാ മേഖലയിലും പ്രവര്ത്തിക്കുന്ന സംഘടനകളുടെ സംയുക്ത യോഗത്തിലായിരുന്നു തീരുമാനം.