ഹക്കിം ഷാ, ഷൈൻ ടോം ചാക്കോ, പരിയെറും പെരുമാൾ എന്ന തമിഴ് ചിത്രത്തിലൂടെ ശ്രദ്ധേയനായ കതിർ എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന ‘മീശ’യുടെ ടീസർ റിലീസ് ചെയ്തു. വികൃതി എന്ന ചിത്രത്തിലൂടെ ശ്രദ്ധേയനായ എംസി ജോസഫ് സംവിധാനം ചെയ്യുന്ന ചിത്രം ത്രില്ലർ സ്വഭാവത്തിലാണ് ഒരുക്കിയിരിക്കുന്നതെന്ന് ടീസർ സൂചിപ്പിക്കുന്നുണ്ട്.“ടു മിങ്കിൾ ഫ്രണ്ട്ഷിപ്പ് ഫാർ ഈസ് മിങ്കിളിങ് ബ്ലഡ്സ്” എന്ന ഷേക്സ്പിയറിന്റെ വചനം എഴുതിക്കാണിച്ചുകൊണ്ടാണ് ടീസർ ആരംഭിക്കുന്നത്. ഹക്കീം ഷായുടെയും കതിരിന്റെയും കഥാപാത്രങ്ങളുടെ സൗഹൃദത്തിന്റെ കഥയും അതിനിടയിൽ വീഴുന്ന വിള്ളലുമാണ് ചിത്രത്തിന്റെ പ്രമേയമെന്നത് ടീസർ സൂചിപ്പിക്കുന്നു.