പ്രായപൂർത്തിയാകാത്ത കുട്ടിക്കു മുന്നില്‍ നഗ്നരായി ലൈംഗിക ബന്ധത്തില്‍ ഏർപ്പെടുന്നതും നഗ്നശരീരം കുട്ടി കാണുന്നതും പോക്സോ നിയമ പ്രകാരം കുറ്റകൃത്യമാണെന്ന് ഹൈകോടതി.
സ്ത്രീയുമായുള്ള ലൈംഗിക ബന്ധം അവരുടെ 16 വയസുള്ള മകൻ കാണാനിടയാവുകയും തുടർന്ന് കുട്ടിയെ മർദിക്കുകയും ചെയ്തതിനെ തുടർന്നെടുത്ത പോക്സൊ കേസ് റദ്ദാക്കണമെന്നാവശ്യപ്പെട്ട് തിരുവനന്തപുരം സ്വദേശി ഫൈസല്‍ ഖാൻ നല്‍കിയ ഹരജിയിലാണ് ജസ്റ്റിസ് എ. ബദറുദ്ദീന്റെ നിരീക്ഷണം.
തിരുവനന്തപുരത്തെ ലോഡ്ജില്‍ വെച്ച്‌ വാതില്‍ അടക്കാതെ കുട്ടിയുടെ മാതാവുമായി പ്രതി ലൈംഗിക ബന്ധത്തില്‍ ഏർപ്പെട്ടതാണ് കേസിനാസ്പദമായ സംഭവം. സാധനങ്ങള്‍ വാങ്ങാൻ പറഞ്ഞയച്ച 16 വയസുള്ള കുട്ടി വാതില്‍ തുറന്ന് അകത്തേക്ക് വന്നപ്പോള്‍ ഇത് കാണാനിടയായി. തുടർന്ന് പ്രതി കുട്ടിയെ മർദിക്കുകയും ചവിട്ടി വീഴ്ത്തുകയും ചെയ്തു.സംഭവത്തില്‍ കുട്ടിയുടെ പരാതിയിലാണ് കേസെടുത്തത്.