ഇന്ന് വൈകിട്ട് ആറരയോടെ അടൂർ ബൈപാസ് റോഡിൽ വട്ടത്തറ പടിക്കു സമീപം ഇട റോഡിൽ നിന്നും ബൈപാസിലേക്ക് കയറിയ ലോറിയിൽ നിന്നുമാണ് ഹിറ്റാച്ചി റോഡിലേക്ക് തെന്നി വീണത്. ഏറെ തിരക്കുള്ള ബൈപാസിൽ ആ സമയം മറ്റു വാഹനങ്ങൾ ഇല്ലാതിരുന്നതിനാൽ വൻ അപകടം ഒഴിവായി . അടൂരിൽ നിന്നും പോലീസും ഫയർ ഫോഴ്സും സ്ഥലത്തെത്തി ക്രയിൻ ഉപയോഗിച്ച് അരമണിക്കൂറോളം പരിശ്രമിച്ചാണ് ഹിറ്റാച്ചി റോഡിൽ നിന്നും നീക്കം ചെയ്തത്. റോഡിൽ വീണ ഓയിൽ, പൊട്ടിയ ചില്ലുകൾ മണ്ണ് എന്നിവ നീക്കം ചെയ്താണ് ഗതാഗതം പുനസ്ഥാപിക്കാനായത്.ഒരു മണിക്കൂറോളം ഭാഗികമായി ഗതാഗതം തടസ്സപ്പെട്ടു.